“Arsenal”ı daha iki oyunçu tərk etdi

“Arsenal”ı bu yay daha iki oyunçu tərk edib. Mett Törner ilə Enzli Meytlend-Naylz da London klubu ilə vidalaşıb.

"Football-plus.az" xəbər verir ki, Törner yeni mövsümə İngiltərənin başqa klubunda başlayacaq. 29 yaşlı qapıçı “Nottingem Forest”lə 4 illik müqavilə bağlayıb. “Arsenal” ABŞ yığmasının oyunçusunun satışından 10 milyon funt sterlinq irəli düşüb. Törner “topçular”ın formasını 2022-ci ildən geyirdi. O, premyer-liqanın son mövsümündə yalnız bir oyunda meydana çıxmaq şansı qazanıb.

Meytlend-Naylz isə paytaxt klubu ilə müqaviləsini qarşılıqlı razılıq əsasında pozub. O, Fransaya üz tutub. Enzlinin “Lion”la bağladığı müqavilənin müddəti 4 illiyə nəzərdə tutulub. 25 yaşlı ingilis yarımmüdafiəçi son mövsümü icarə əsasında “Sauthempton”da keçirmişdi. Enzli daha əvvəl bu statusla “Roma” və “Vest Bromviç”in formasını geyib.