“2024-cü ildən Futbolun İnkişaf Fondunun əsas hədəflərindən biri də region klublarının əməkdaşlarının bilik və bacarıqlarının artırılmasına dəstək olmaqdı. İyulun 2-də bununla əlaqədar tətbiq edilən layihələrdən olan “SMM dəstək layihəsi”nə start verilib. Layihədə “Turan Tovuz”, “Mingəçevir”, “İmişli” və “Sheki City” klublarının nümayəndələri iştirak edib. Məqsədimiz region klublarının sosial media hesablarının analizi aparılaraq, daha düzgün və peşəkar şəkildə idarə olunmasında dəstək olmaq və klub əməkdaşlarına bu sahədə təlim keçməkdi. Qeyd edək ki, ilk dörd klubla start götürən layihə iyul-oktyabr aylarını əhatə edəcək”.

“Düzdü, iyulun 2-dən etibarən yeni layihəyə başlamışıq. Ümumiyyətlə, fəaliyyət sahəmizi genişləndirmək məqsədilə fərqli layihələr üzərində çalışırıq. Bura bütün klublarla bağlı strateji planlama, yeni gəlir sahələrinin yaradılması, strukturun təkmilləşdirilməsi, əməkdaşların bilik və bacarıqlarının artırılması kimi məsələlər daxildi. “SMM dəstək layihəsi”nin əvvəli ikiaylıq təlim və seminarlarla başlayıb. Lakin prosesin davamında başqa planlarımız da var. Bir müddətdi klublarla əlaqədəyik. İstəyirik ki, əməkdaşlıq etdiyimiz kollektivlər həvəsli olsun. Bizim izah etdiyimiz mövzulardan bəhrələnə bilsinlər. Əlbəttə, bunun üçün lazımi resursların olması vacibdi. Buna görə hələ ki dörd klubla başlamışıq. Gələcəkdə say artsa, əlavə dörd klubun iştirak edəcəyi qrup yarada bilərik”.

“Belə şərait yaratdığı üçün həm klub rəsmisi, həm də “Mingəçevir” azarkeşi kimi FİF-ə təşəkkür edirəm. Təcrübəli mütəxəssis Orxan Qasımovun rəhbərliyi altında təlimlər alırıq. O, indiyə qədər bu sahədə mənə çox böyük dəstək olub. Layihə çərçivəsində klubumuzun sosial şəbəkə hesablarını daha peşəkar idarə edə bilmək üçün məlumatlar öyrənirik. Burda hansı məlumatların paylaşılmasının vacibliyi, izləyiciyə necə təqdim olunması, azarkeş marağının təmin edilməsi, ümumiyyətlə, klubun təbliği kimi bir çox vacib mövzularla bağlı biliklərimizi artırırıq. Sözün əsl mənasında peşəkar olmaq istəyiriksə, bunları bilməliyik. Bizim üçün böyük şansdı. Öyrəndiklərimizi işdə tətbiq edərək xüsusilə azarkeşlərimizə daha yaxşı xitab etmək fürsəti qazanacağıq. İstəyirik ki, bu yolu axıradək gedək”.