"Qarabağ"ın Çempionlar Liqasının 2-ci təsnifat mərhələsindəki cavab oyununa hakim təyinatları açıqlanıb.

"Football-plus.az" xəbər verir ki, matçı Ukrayna Futbol Federasiyasından Viktor Kopiyevski idarə edəcək. Ona həmyerliləri Semyon Şlonçak və Vladimir Vısotski kömək edəcək. Dördüncü hakim funksiyasını Dmitri Pançişin yerinə yetirəcək.

Qeyd edək ki, Ağdam təmsilçisi 2-ci təsnifat mərhələsində “Hamrun” (Malta) – “Linkoln” (Cəbəllütariq) cütünün qalibi ilə qarşılaşacaq. İyulun 30-da Tofiq Bəhramov adına Respublika stadionunda keçiriləcək cavab görüşü saat 20.00-da başlayacaq.