Gürcüstan yığmasının qitə çempionatında çıxışı yerli federasiyaya müəyyən qazanc gətirib. Amma qafqazlılar müəyyən məbləğdə ziyana da düşüblər.

Qeyd edək ki, milli komanda turnirdə iştiraka görə 9,25 milyon, qrupdakı nəticəyə (1 qələbə, 1 heç-heçə, 1 məğlubiyyət) görə 1,5 milyon, 1/8 finala vəsiqə qazanmaqla 1,5 milyon avro irəli düşüb. Yerli federasiyanın (GFF) ümumi qazancı 12,25 milyon avro təşkil edib.

Amma Gürcüstana azarkeşlik edənlərdən bəzilərinin hərəkəti GFF-ni ümumilikdə 46 min avro geri salıb. Belə ki, qrup mərhələsinin Türkiyə ilə oyununda (1:3) fanatların pirotexniki vasitələrdən istifadə etməsi UEFA-nın 36,25 min, Portuqaliya ilə oyundan (2:0) sonra isə həm eyni hərəkət, həm də azarkeşlərin meydana axışması səbəbindən 9,75 min avro cəriməsi ilə müşayiət olunub.