“Turnir üç gün davam etdi və səkkiz komanda var idi. A və B olmaqla iki qrupa ayrılmışdıq. Biz “Trabzonspor”, “Nömme United” və “Dinamo” ilə eyni qrupdaydıq. Qrupda ilk iki yeri tutan komandalar “Gold group”a vəsiqə qazanırdı. A qrupundan biz lider kimi çıxdıq. İkinci pillədə isə “Nömme United” qərarlaşmışdı. B qrupunda “Çaykur Rizəspor”la “Samsunspor” “Gold group”a yüksəldi. Biz iki oyun qələbə qazandıq və bir oyun məğlub olduq. Beləliklə, çempion olduq. Burdakı baza, stadionlar və futbola yanaşma yüksək səviyyədə idi. Uşaqların xatirəsində çox gözəl iz buraxdı. Həmçinin biz məşqçilər də turnirdən çox şey qazandıq. Çox böyük təcrübə əldə etdik. Uşaqlarımız gözəl oyun nümayiş etdirdi. Turnirdə əla komandalar var idi. “Nömme United” çox güclü idi. Həm topu yaxşı idarə edirdilər, həm də ötürmələri yüksək səviyyədə idi. Buna baxmayaraq, bu rəqibi ilk oyunda 3:0, “Gold group”da isə 2:0 hesabıyla üstələdik. Həqiqətən də çox üst səviyyəli bir komanda idi. Çox ağır və maraqlı turnir keçdi. Komandamdan istədiyimi ala bildim. Uşaqlar özünü ən yaxşı tərəfdən göstərdi. Turnidə mübarizə aparan hər bir komandanın səviyyəsi eyni idi. Mənim ən çox xoşuma gələn “Nömme United” idi. Bu nəticəni uğurlu saymaq olar. Bu yaşda uşaqlar artıq neçənci dəfədi başqa ölkəyə yollanır, hər turnirdə maksimum nəticə əldə edir. Bu yaş qrupunun bütün turnirlər daxil olmaqla, ikinciliyi yoxdu. Nəticədən asılı olmayaraq, uşaqların oyunu məni xoşbəxt edir. Qruplar dəqiqəndən sonra mümkün qədər rəqibləri təhlil etməyə çalışdıq. Oyunlarına baxmadığımız komandalara qarşı ilk 10 dəqiqədə “kəşfiyyat aparır”, sonra isə öz oyunumuzu göstərməyə çalışırdıq”.