Jorj Mikautadze ilə bağlı şayiələrə son qoyulub.

“Mets” Gürcüstan millisinin hücumçusunun transferini rəsmiləşdirib.

Futbolçu ötən mövsümün ikinci yarısını icarə əsasında “Mets”də keçirib. O, müqavilə ilə “Ayaks”a məxsus idi. “Mets”in 23 yaşlı hücumçunu birdəfəlik transfer etmək üçün Niderland klubuna 13 milyon avro təzminat ödəməsi haqda rəsmi məlumat yayılıb.

Xatırladaq ki, Mikautadze 2017-ci ildən “Mets”in futbolçusu olub. “Ayaks” onu 2023-cü ilin yayında 16 milyon avroya alıb, lakin 6 aydan sonra yarımillik müddətə Fransa klubuna icarəyə göndərib. Jorj ötən müddət ərzində fransalıların heyətində ümumilikdə 19 oyun keçirib, 12 qol vurub və 1 məhsuldar ötürmə edib. Mikautadzenin Avropa çempionatında keçirdiyi 4 oyunda 3 qol vurub 1 məhsuldar ötürmə etdiyini də bildirək.