F qrupu
N 11. Türkiyə - Gürcüstan 3:1 (1:1)
1. Mərt Günok
20. Fərdi Kadıoğlu
14. Əbdülkərim Bardakcı
4. Səmət Akaydın
18. Mərt Müldür
(2. Zəki Çəlik, 85)
19. Kənan Yıldız
(7. Kərəm Aktürkoğlu, 85)
22. Kaan Ayhan
(3. Merih Dəmiral, 79)
10. Hakan Çalxanoğlu (k)
(15. Salih Özcan, 90+2)
8. Arda Gülər
(11. Yusuf Yazıcı, 79)
6. Orkun Kökçü
21. Barış Alpər Yılmaz
Ehtiyat oyunçular
23. Uğurcan Çakır
12. Altay Bayındır
13. Ahmetcan Kaplan
5. Okay Yokuşlu
16. İsmayıl Yüksək
9. Cenk Tosun
25. Yunus Akgün
26. Bərtuğ Yıldırım
24. Semih Kılıçsoy
Baş məşqçi: Vinçentso Montella

25. Georgi Mamardaşvili
3. Laşa Dvali
4. Quram Kaşiya (k)
5. Solomon Kverkveliya
(8. Budu Zivzivadze, 85)
21. Georgi Sitaişvili
(14. Luka Loçoşvili, 74)
6. Georgi Koçoraşvili
20. Anzor Mekvavibişvili
(18. Sandro Altunaşvili, 89)
2. Otar Kakabadze
10. Georgi Çakvetadze
(9. Zuriko Davitaşvili, 74)
7. Xvitsa Kvaratsxeliya
22. Jorj Mikautadze
Ehtiyat oyunçular
12. Luka Quqeşaşvili
15. Georgi Qvelesiani
24. Camal Tabidze
13. Georgi Qoçoleişvili
16. Nika Kvekveskiri
17. Otar Kiteişvili
23. Saba Lobjanidze
19. Levan Şengeliya
26. Qabriel Siqua
11. Georgi Kvilitaya
Baş məşqçi: Villi Sanyol
Qollar: M.Müldür, 25 (1:0). J.Mikautadze, 32 (1:1). A.Gülər, 65 (2:1). K.Aktürkoğlu, 90+7 (3:1).
Vərəqələr: A.Bardakcı, 35. S.Kverkveliya, 55. H.Çalxanoğlu, 89 – sarı.
Hakimlər: FAKUNDO TELYO, Qabriel Çade, Esekyel Brailovski (hamısı Argentina).
VAR hakimləri: Alexandro Xose Ernandes Ernandes, Xuan Martines Munuera (hər ikisi İspaniya), Devid Kut (İngitltərə).
18 iyun. Dortmund. “Siqnal İduna Park”. 59127 tamaşaçı (66099 yerlik). Birinci hissəyə 1, ikinci hissəyə 6 dəqiqə əlavə olunub.
Oyunun ən yaxşısı: Arda Gülər.

oyunun statistikası
22 (8) qapıya (“çərçivə”yə) zərbə 15 (4)
10 qayda pozuntusu 7
5 künc zərbəsi 5
2 ofsayd 1
2 (0) sarı (qırmızı) vərəqə 1 (0)
52 topa sahibolma (faizlə) 48
578 (526) ötürmə (dəqiq) 440 (390)
114 məsafə (km) 110,4

Türkiyə yığması oyuna fırtına kimi başladı. Montellanın (yeri gəlmişkən, oyun günü 50 yaşını tamamladı) komandanın qarşısına erkən qol vurmaq tələbi qoyduğu açıq-aşkar görünürdü. 10-cu dəqiqədə Kaan Ayhanın zərbəsi dirəkdən dönəndə türkiyəli tərəfdarlar dərindən ah çəkdi. Hər halda, “ay-ulduzlular” 25-ci dəqiqədə hesabı aça bildi. Kornerin ardından Mərt Müldür qapıya elə zərbə vurdu ki, topu qaytarmaq mümkün deyildi. Cəmi bir dəqiqə sonra Kınan Yıldız da fərqləndi, referi Telyo VAR otağından gələn siqnal əsasında qolun ofsayddan vurulduğunu bildirdi. Sayılmayan qol türkləri əməlli-başlı ruhdan saldı. 32-ci dəqiqədə Koçoraşvili sağ cinahda fəndlərlə müdafiəçiləri çaş-baş saldı və topu cərimə meydançasına göndərdi. Mikautadze Mərtin kobud səhvindən yararlanıb Gürcüstan üçün tarixi qol vurdu. Hissənin sonuna qədər hər iki komandanın irəli çıxmaq şansı var idi.

Fasilədən sonra Montellanın komandası tədricən təşəbbüsü ələ aldı. Belə oyunlarda heyətdə ulduzun olması vacib məqamdı. Bəli, Türkiyənin öldürücü zərbələrə malik Ardası var. Onun 65-ci dəqiqədə sol “9-luğ”a göndərdiyi top qarşısıalınmaz idi. Ədalət naminə deyək ki, gürcülər təslim olmadı, hesabı bərabərləşdirmək üçün böyük qüvvə ilə irəli atıldı. 70-ci dəqiqədə Koçoraşvili əlverişli vəziyyətdən topu tirə vurdu. Sonda isə Sanyolun komandası hücum dalğası təşkil etdi. Koçoraşvili daha bir əlverişli imkanı qaçırdı, uzatma dəqiqələrində Mikautadzenin zərbəsi dirəkdən döndü. Düzdü, buna qədər Yazıcı da hesabı 3:1 edə bilərdi. Oyun elə bu hesabla da bitdi. Gürcülər künc zərbəsini yerinə yetirərərkən Mamardaşvili də hücuma atıldı, belədə Aktürkoğlu sürətli əks-hücum sonucunda boş qapıya yol tapmaqda çətinlik çəkmədi. Bu oyun 1-ci turun ən baxımlı qarşılaşması oldu. Türkləri tarixində ilk dəfə AÇ-yə qələbə ilə başlaması münasibətiylə təbrik etmək olar.

Fakt
Gülər AÇ tarixinə debüt oyununda qol vuran ən gənc futbolçu kimi düşdü (19 yaş 114 gün). O, AÇ-2004-də - Yunanıstanla oyunda 19 yaş 128 günlüyündə fərqlənən Kriştiano Ronaldonun rekordunu qırdı. “Real”ın xavbeki həmçinin Avropa və dünya çempionatlarında qol vuran ən gənc türk futbolçudu.

Reaksiyalar
Vinçentso Montella: