Geridə qoyduğumuz mövsüm 1-ci liqanı 3-cü pillədə tamamlayan, amma pley-offun finalında ''Bodrum''a uduzaraq superliqaya yüksələ bilməyən ''Sakaryaspor'' baş məşqçi vəzifəsinə futbol dünyasının tanınmış simalarından birini gətirib.

“Football-plus.az” xəbər verir ki, söhbət Miçel Salqadodan gedir. Klubun prezident seçkilərində qalib gələn iş adamı Gökhan İn əvvəlcədən söz verdiyi kimi ispaniyalı mütəxəssis ilə anlaşdıqlarını açıqlayıb. Yeni məşqçinin bazar ertəsi Sakaryaya gələrək rəsmi müqaviləyə imza atacağı gözlənilir. Amma 49 yaşlı Salqadonun hələ ki, məşqçi kimi heç bir uğuru yoxdu. O yalnız Cənubi Kipr təmsilçisi ''Pafos''da müvəqqəti məşqçi funksiyasını icra edib. Onun əsas uğurları futbolçu karyerası ilə bağlıdı. ''Selta''nın yetirməsi olan Salqado 10 il (1999-2009) ''Real''ın şərəfini qoruyub. Bu müddət ərzində 4 çempionluq və 2 ÇL daxil olmaqla 11 titul qazanıb. Salqado İngiltərə təmsilçisi ''Blekbern''də də top qovub. Qeyd edək ki, ''Sakaryaspor'' elitada sonuncu dəfə 2006/07 mövsümündə çıxış edib.

ƏLİ