Avstriya bundesliqasında ötən mövsümü 9-cu pillədə başa vuran ''Altax''ın yeni baş məşqçisi diqqət çəkib.

Belə ki, Lüdovik Manyin ilə yollarını ayıran bu klub futbol dünyasının populyar simalarından olan Miroslav Kloze ilə anlaşıb.

Xatırladaq ki, Kloze 71 qolla Almaniya yığması və 16 qolla dünya çempionatları tarixinin ən məhsuldar oyunçusu statusundadı! Futbolçu kimi ''Kayzerslautern'', ''Verder'', ''Bavariya'' və ''Latsio''da oynayan 44 yaşlı Kloze karyerasını 2016-da bitirmişdi. Bu onun müstəqil məşqçi kimi ilk təcrübəsi olacaq. Kloze buna qədər bundestimdə və ''Bavariya''da köməkçi-məşqçi funksiyasını icra edib.