"Kəpəz"in yay hazırlığı harada olacaq?

"Kəpəz" mövsümlərarası hazırlıq üçün ölkə xaricinə yollanmayacaq.

"Football-plus.az" xəbər verir ki, bu barədə klubun mətbuat xidməti məlumat yayıb.

Adil Şükürovun çalışdırdığı komanda iyun ayının 22-dən yeni mövsümün məşqlərinə başlayacaq. Məşqlər Gəncədə keçiriləcək.

Komandanın hazırlıq planı ilə bağlı daha geniş məlumatın qarşıdakı günlərdə veriləcəyi bildirilib.

Qeyd edək ki, "Kəpəz" ötən mövsümü 35 xalla 9-cu pillədə başa vurub.