Mövsüm başa çatandan sonra “Qəbələ”, demək olar ki, bütün legionerlərlə yollarını ayırmaq üzrədi.

Bir neçə əcnəbi futbolçuyla müqaviləni yeniləməyən Qəbələ təmsilçisi bir neçəsiylə də qarşılıqlı razılıq əsasında yolları ayırır. Bilel Auaşeriyanın gedişindən sonra hazırda heyətdə iki əcnəbi var: Kristofer Atanqana və Zurab Oçiqava.

Görəsən, klub rəhbərliyi bu iki legioner barədə nə düşünür? Yəni həmin futbolçuları müqavilənin müddətinə uyğun olaraq saxlayacaqlar, yoxsa onlar da gedəcək?

Bir müddət öncə klubun idman direktoru Səbuhi Səfiyarlı “Football-plus.az”a açıqlamasında bütün legionerlərlə yolları ayırmaq istədiklərini bildirmişdi. Durumun nə yerdə olduğunu öyrənmək üçün yenidən Səfiyarlı ilə əlaqə saxladıq. O həmin futbolçularla danışıqlar aparmadıqlarını bildirdi. Belədə ehtimal olunur ki, müqavilələrinin müddəti 2025-ci ilə qədər olan futbolçularla sona qədər davam edilməyəcək və yollar ayrılacaq.

KAMAL SƏFƏR