Mayın 8-10-u aralığında Libertadores Kubokunun (LK) qrup mərhələsinin 4-cü turunun oyunları keçirildi.

“Football-plus.az” xəbər verir ki, artıq Cənubi Amerikanın ən nüfuzlu klub turnirinin 1/8 finalının ilk 6 iştirakçısı məlumdu.

Hesabat turu ərəfəsində qruplarda 3 komanda itkisiz irəliləyirdi. Artıq xal itirməyən iştirakçı sayı birə bərabərdi. Qələbələri sıralayan yeganə komandalardan E qrupunda yarışan “Bolivar” üçün Kolumbiyaya səfər çətin alındı: Boliviya klubu “Milyonarios” ilə heç-heçəyə (1:1) nail oldu. “Bolivar” autsayder ilə oyunda xal itkisinə baxmayaraq, 1/8 finala erkən vəsiqə qazandı. G qrupunda “Atletiko Mineyro” qələbələri sıralamaqda davam edir. Braziliya təmsilçisi bu dəfə “Rosario Sentral”a Argentinada minimal hesabla qalib gəldi. Ardıcıl 4-cü qələbə Qabriel Militonun komandasını pley-offa çıxardı. Yeganə qolun müəllifi olan Paulinyo bu mövsüm qapıya 5-ci dəfə yol tapmaqla bombardirlərin yarışında liderliyi ələ aldı. H qrupunda yarışan “River Pleyt” isə qələbə seriyasını davam etdirə bilmədi. Argentina nəhəngi “Nasyonal” ilə Uruqvayda keçirilən matçın ilk yarısını iki top fərqi ilə üstün durumda başa vursa da, sona yaxın bir dəqiqə ərzində Karneyronun iki dəqiq zərbəsi ilə qələbəni əldən verdi. Bununla belə, Martin Demiçelisin komandası 1/8 finala vəsiqəni erkən təmin etdi.

Artıq B qrupunda mübarizəni bitmiş saymaq olar. Rəqiblərini 3:1 hesabı ilə məğlub edən “Talyeres de Kordoba” və “San Paulu” da azarkeşlərini erkən sevindirdilər. Son iki tur Argentina və Braziliya təmsilçiləri üçün qrupu lider kimi başa vurmaq baxımından əhəmiyyət daşıyacaq. F qrupunda “Palmeyras” da favorit statusunu doğrultdu. Braziliya nəhəngi Uruqvayda “Liverpul”un qapısından 5 cavabsız top keçirdi.

Cənubi Amerikanın ən nüfuzlu klub turnirinin son qalibi yeni mövsümdə statusunu hələ ki çətinliklə qoruyur. A qrupunda yarışan “Fluminense” 2-ci turun ev oyununda 2:1 hesabı ilə qalib gəldiyi “Kolo Kolo”dan yenə üstün oldu. Çilidə qazanılan minimalhesablı qələbə Fernando Dinizin komandasının liderliyi qorumasına şərait yaratdı. “Fluminense”nin 4 oyunda yalnız 4 qol vurması diqqəti cəlb edir.

qrup mərhələsi, 4-cü tur
A qrupu
Kolo Kolo (Çili) – Fluminense (Braziliya) 0:1
Manoel, 74.
Alyansa Lima (Peru) - Serro Portenyo (Paraqvay) 1:1
Barkos, 80 – İturbe, 26.

1. Fluminense 4 2 2 0 4-2 8
2. Serro Portenyo 4 1 2 1 2-2 5
3. Kolo Kolo 4 1 1 2 2-3 4
4. Alyansa Lima 4 0 3 1 2-3 3

B qrupu
Talyeres de Kordoba (Argentina) - Barselona (Ekvador) 3:1
Katalan, 12. Botta, 25. Bou, 90+4 – Roxas, 61.
Kobresal (Çili) – San Paulu (Braziliya) 1:3
Koelyo, 23 – Lusiano, 38. Rodriqo Nestor, 60. Kalyeri, 78.

1. Talyeres de Kordoba 4 3 1 0 9-4 10
2. San Paulu 4 3 0 1 8-3 9
3. Barselona 4 0 2 2 4-8 2
4. Kobresal 4 0 1 3 2-8 1

C qrupu
Stronqest (Boliviya) - Estudiantes (Argentina) 1:0
Ursino, 13.
“Uaçipato” (Çili) – “Qremio” (Braziliya) oyunu iyunun 5-nə təxirə salınıb.

1. Stronqest 4 2 1 1 4-2 7
2. Uaçipato 3 1 2 0 3-1 5
3. Estudiantes 4 1 1 2 3-4 4
4. Qremio 3 1 0 2 1-4 3

D qrupu
Universitario (Peru) - Xunior (Kolumbiya) 1:1
Flores, 24 – Kastrilyon, 5.
Botafoqo (Rio de Janeyro, Braziliya) - LDU Kito (Ekvador) 2:1
Uqo, 31. Junior Santos, 69 - Estrada, 45+1.

1. Xunior 4 1 3 0 6-4 6
2. Botafoqo RJ 4 2 0 2 6-6 6
3. Universitario 4 1 2 1 5-6 5
4. LDU Kito 4 1 1 2 4-5 4

E qrupu
Milyonarios (Kolumbiya) - Bolivar (Boliviya) 1:1
Lyinas, 43 – Vaka, 67.
Palestino (Çili) - Flamenqo (Braziliya) 1:0
Korexo, 63.

1. Bolivar 4 3 1 0 10-4 10
2. Palestino 4 2 0 2 4-7 6
3. Flamenqo 4 1 1 2 4-4 4
4. Milyonarios 4 0 2 2 5-8 2

F qrupu
Liverpul (Uruqvay) - Palmeyras (Braziliya) 0:5
Rafael Veyqa, 44; 71. Endrik, 82. Roni, 90+1. Q.Qomes, 90+6-p.
San Lorenso (Argentina) - İndependyente del Valye (Ekvador) 2:0
Kuelyo, 16. Bareyro, 24.

1. Palmeyras 4 3 1 0 12-4 10
2. İndependyente del Valye 4 1 1 2 5-6 4
3. San Lorenso 4 1 1 2 3-4 4
4. Liverpul 4 1 1 2 3-9 4

G qrupu
Rosario Sentral (Argentina) - Atletiko Mineyro (Braziliya) 0:1
Paulinyo, 87.
Karakas (Venesuela) - Penyarol (Uruqvay) 0:1
Q.Rodriges, 26.

1. Atletiko Mineyro 4 4 0 0 10-4 12
2. Penyarol 4 2 0 2 8-4 6
3. Rosario Sentral 4 1 1 2 3-4 4
4. Karakas 4 0 1 3 2-11 1

H qrupu
Nasyonal (Uruqvay) – River Pleyt (Argentina) 2:2
Karneyro, 78-p.; 79 – Borxa, 8. Kolidio, 30.
Deportivo Taçira (Venesuela) - Libertad (Paraqvay) 1:1
X.Ernandes, 31 – Santa Krus, 50.

1. River Pleyt 4 3 1 0 8-3 10
2. Nasyonal 4 2 1 1 6-5 7
3. Libertad 4 1 1 2 5-5 4
4. Deportivo Taçira 4 0 1 3 2-8 1
Bombardirlər: Paulinyo (Atletiko Mineyro) - 5, Fransisko da Kosta (Bolivar), Silvera (Penyarol) - 4.