Ferstappen başqa komandaya keçməyi düşünmür
“Red Bull”un niderlandlı pilotu Maks Ferstappen başqa komandaya keçmək haqda düşünmədiyini bildirib.
“Hesab edirəm ki, maşınımız hələ də çox-çox sürətlidi. Cari mövsümün gedişinə baxsaz, bunun gerçəkdən də belə olduğuna əmin ola bilərsiz. Əks halda biz çempionatda liderlik etməzdik. “Red Bull”da olduğuma görə xoşbəxtəm. Hər yarışdan sonra komandanı dəyişmək haqda düşünmək olar. Ancaq mən indi bunu düşünmürəm”.
Xatırladaq ki, “Formula-1” üzrə dünya çempionatının son mərhələsində Şarl Lekler qalib gəlib, Ferstappen isə 6-cı yeri tutub. Bununla belə, niderlandlı pilot hələ də 169 xalla şəxsi hesabsa birincidi.
Digər xəbərlər
