Könüllülər prezidentə məktub yazdı
Fransada yaşayan rusiyalı könüllülər bu ölkənin prezidenti Emmanuel Makrona onların Paris Olimpaidasında çalışmasına qoyulan qadağanın götürülməsi ilə bağlı kollektiv məktub yazıb.
“Football-plus.az” xəbər verir ki, onlardan birinin fikirləri:
“Prezidentə göndərdiyimiz məktubun mətni bu ölkənin daxili işlər nazirinə daha əvvəl göndərdiyimiz məktubda yazılanlarla üst-üstə düşür. Ancaq Fransanın rəhbəri də hələ bizə cavab verməyib”.
Prezidentə məktubda bildirilir ki, Rusiyadan olan könüllülər artıq Fransaya giriş vizası və bilet alıb. Onlar Olimpiya və Paralimpiya Oyunlarında çalışmağa hazır olsalar da, təhlükəsizlik mülahizəsi üzündən akkreditasiya ilə bağlı müraciətə imtina cavabı alıblar.
Bu arada Paris prokuroru Lor Bekko Olimpiada vaxtı paytaxtda cinayətlarlığın mümkün artımı ilə bağlı narahatlığını bölüşüb:
“Cinayətlərin sayının artacağını gözləyirik. Turistlər çox olacağına görə gözləntilərimiz bu yöndədi. Söhbət cib oğurluğundan, alkoqol sərxoşluğu halında qanun pozuntularından, zorakılıq aktlarından və ola bilsin, seksual zorakılıqdan gedir”.
Xatırladaq ki, Pari Olimpiadası 26 iyul – 11 avqust aralığında keçiriləcək.
Digər xəbərlər
