Fransanın Daxili Təhlükəsizlik Baş İdarəsi Olimpiada-2024-ün açılış mərasimini ləğv etməyi məsləhət görüb.

Bu haqda xəbəri “Europe1”ə istinadla “RİA-Novosti” yayıb. Bunun səbəbi kimi terror təhlükəsi göstərilir. Xəbərdə o da iddia olunur ki, yaxın vaxtlarda daxili işlər naziri Jerar Darmanenə Olimpiya Oyunlarının açılış günündə güman olunan ssenarilər ilə bağlı bilgi təqdim ediləcək. Düzdü, bu xəbər yayılandan dərhal sonra Fransanın xüsusi xidmət orqanları açılış mərasimi ilə bağlı hansısa təhlükənin olmadığını bildirdi.

Xatırladaq ki, Paris Olimpiadasının açılış mərasimi iyulun 26-na planlaşdırılıb. Bu arada Fransada Olimpiya və Paralimpiya Oyunları ilə bağlı sorğu keçirilib. Rəyi öyrənilənlərin 52 faizi belə hesab edir ki, Fransa bu iki tədbirə pis hazırlaşıb. Sorğuya yaxşı 18-dən yuxarı olan 1000-dən artıq fransalı qatılıb.