Artıq xəbər verdiyimiz kimi, Hans-Diter Flik “Barselona”nın yeni baş məşqçisidi.

“Football-plus.az” xəbər verir ki, Bu təyinat çərşənbə axşamı rəsmiləşdi. “As” qəzetinin yazdığına inansaq, ikiillik müqavilə bağlayan almaniyalı mütəxəssis hər il təmiz 3 milyon avro qazanacaq. Mükafatlara görə yüksək məbləğdə bonus nəzərdə tutulub: komanda Çempionlar Liqasını qazanarsa, Flik 1 milyon, La Liqada çempion olarsa, 750 min avro irəli düşəcək.

“Barsa”nın maliyyə çətinliklikləri üzündən Flik kluba iki yardımçı ilə gəlir – Toni Tapaloviç və Markus Zorq. “As” onu da əlavə edir ki, Flikə İspaniyaya daha tez uyğunlaşmaqda yardım göstərəcək daha bir köməkçinin təyinatı mümkündü. Variantlardan biri Tyaqo Alkantaradı. Flik təqdimat mərasimində kataloniyalı jurnalistlərə belə deyib:

O da məlumdu ki, Flik “Barselona”da işə iyulda – ABŞ turnesi ərəfəsində başlayacaq.

Flik Laportanın variantıdı
Hans-Diter “Barselona”nın prezidenti Xuan Laportanın seçimidi. Prezident onun “Bavariya” dönəminin heyranıdı: parlaq oyun üslubu və qənimətlərə can atması Laportanın diqqətini çəkib. Yeri gəlmişkən, Laportanın yeni baş məşqçi ilə bağlı qərarın məsuliyyətini bölüşməyə çalışdığı idman direktoru Deku “Portu”dan Serjio Konseysaonun gətirilməsini istəyirdi. Həmvətənlər eyni agent – Jorje Mendeş ilə çalışırlar. Prezident isə bu varuantı qəbul etmədi, top səviyyəli məşqçi istədi.
Yanvarda Yulian Naqelsmann ilə əlaqə saxladılar. İmtina. Ardından Ralf Ranqnik variantı var idi, o Avstriya yığmasında qalmağa qərar verdi. Tomas Tuxel yazda bəyan etdi ki, “Bavariya”nı tərk edir, İspaniyada çalışmağı arzulayır. Maliyyə tələbini qarşılaya bilmədilər. Nəticədə siyahıda Flik qaldı.

Apreldə danışıqların ilk mərhələsi baş tutdu: almaniyalı mütəxəssis fəal şəkildə ispan dilini öyrənirdi, daşınmaz əmlak axtarmaq üçün bir neçə dəfə Kataloniyaya baş çəkmişdi. Növbəti mövsümü planlaşdırırdı. Sonra “Barsa” Xavini saxlamağa qərar verdi. Belədə Flik “Bavariya” ilə danışıqlara başladı. İnsayderlər Şey Luqassi və Jerar Romero onda Flikin “Barsa”nın biraddımlığında olduğunu yazırdı. Demək olar ki, bütün məsələlər razılaşdırılmışdı. Ancaq Laporta Xavini fikrindən daşındırdı. Mövsümün sonunda isə özü fikrindən daşındı. Belədə Flikin Kataloniyaya yolu açıldı.

Flik heyəti necə dəyərləndirir?
Bəli, heyətin güclənməsi lazımdı. Hələ ki pul yoxdu. Ancaq “Barselona” ən yaxın günlərdə “Nike” ilə yeni müqaviləni anons edəcək, bu müqavilə əsasında kluba 100 milyon avro çatmalıdı. Yeni anlaşma La Liqada transfer məhdudiyyətindən qurtulmağa imkan verəcək. “Barsa” yeni baş məşqçinin istəyinə uyğun güclənməlidi. İnsayderlərin yazdıqlarına inansaq, Flik hələ ki planlar qurur.

● Joao Feliş ilə Joao Kanselo gedəcək. Yeni baş məşqçi icarə müqaviləsinin təkrarlanmasını yaxşı qərar saymır.
● “Barsa”ya dayaq yarımmüdafiəçisi lazımdı. Prioritet Coşua Kimmixdi, o, “Bavariya” ilə müqavilə müddətini uzatmayıb. 29 yaşlı oyunçu ilə danışıqlar çətin keçəcək: transferə görə pul ödəmək lazım gələcək, Coşua Münhendə ilə 20 milyon avro qazanırdı.
● “Betis”dən dayaq yarımmüdafiəçisi Gido Rodriges gələcək, onu hələ Xavinin dönəmində razı salıblar. Flik bu keçidin əleyhinə deyil, sadəcə, Gidonu rotasiya oyunçusu kimi görür, ona bu mövqedə lider lazımdı.
● Flik Levandovskinin böyük fanatıdı. Robert yenə də “Barsa”nın əsas forvardı kimi qalacaq, ancaq Vitor Roke də daha çox oyun vaxtı qazanacaq.
● “Barselona” yeni sol cinah vingeri istəyərdi. Siyahıda “Atletik”dən Niko Uilyams ilə “Liverpul”dan Luis Diasın adı var.

Xavi dava-dalaşsız ayrıldı
Sabiq baş məşqçi qovulmasına görə nəzərdə tutulan kompensasiyadan imtina etdi. Bu isə “Barselona”nın 12 milyon avroya qənaət etməsi deməkdi. Xavinin yeganə tələbə korpusunda yer alan məşqçilərin pullarının tam ödənilməsidi – hardasa 3 milyon avroya yaxın məbləğdi. Xavi həmçinin “Barsa”dan 2021-ci ildə xərclədiyi 2,5 milyon avronun kompensasiya edilməsini xahiş edir. Həmin vaxt Xavi “Əl-Sədd” ilə müqaviləni pozmq üçün 2,5 milyonu öz cibindən çıxarmışdı.

Sabiq çalışdırıcı almaniyalı həmkarına mesaj da göndərib:.