21 yaşadək futbolçulardan ibarət millimizin Slovakiya və Bolqarıstan yığmasına qarşı keçirəcəyi yoldaşlıq oyunları üçün heyəti açıqlanıb.

"Football-plus.az" xəbər verir ki, komandamız Slovakiya ilə iyunun 7-də Bratislavada, Bolqarıstanla isə 11-də isə Bakıda qarşılaşacaq.

İyunun 1-də təlim-məşq toplanışına başlayacaq U-21 ayın 5-də Bratislavaya səfər edəcək və Slovakiya ilə görüşdən bir gün sonra geri dönəcək.

“Qarabağ” klubunun futbolçuları ölkə kubokunun final oyunundan sonra, iyunun 3-də kollektivə qoşulacaqlar.

Qeyd edək ki, Slovakiya – Azərbaycan matçı Senec Məşq Mərkəzində, Bakı vaxtı ilə saat 20.30-da, Azərbaycan – Bolqarıstan qarşılaşması isə “Liv Bona Dea Arena”da, saat 20.00-da başlayacaq.

U-21-in heyəti belədi: Amin Ramazanov, Nəriman Axundzadə (ikisi də "Qarabağ"), Xəyal Fərzullayev ("Sumqayıt"), Yusif İmanov, Seymur Məmmədov, Xəyal Əliyev (hamısı "Sabah"), Süleyman Damadayev, Qurban Səfərov, Samir Məhərrəmli (hamısı "Şamaxı"), İbrahim Ramazanov, Eşqin Əhmədov, Şahin Şahniyarov (hamısı "Qəbələ"), Cəlal Hüseynov ("Arda", Bolqarıstan), Abdulla Rzayev, Ramin Nəsirli ("Araz-Naxçıvan"), Rüfət Əhmədov, Mahir Həsənov (ikisi də "Kəpəz"), Rüfət Abbasov, Elcan Əbilov, Ağadadaş Salyanski (hamısı "Neftçi"), Murad Vəliyev ("Nomme United", Estoniya), Zeynəddin Abdurahmanov, Samir Abdullayev (ikisi də "Səbail").