“Milan” Ayrton Lukası sıralarına cəlb etməyi planlaşdırır.

İtaliya klubu braziliyalı futbolçuya görə tezliklə “Flamenqo”ya rəsmi təklif irəli sürəcək.

Milanlılar ona “Bavariya”ya keçməsi gözlənilən Teo Ernandesin yerinə layiqli əvəzləyici gözü ilə baxırlar. Ayrtonun transfer qiyməti 8 milyon avro dəyərləndirilir. 26 yaşlı braziliyalı müdafiəçi “Flamenqo”da 2022-ci ildən çıxış edir. O, daha əvvəl Moskva “Spartak”ı (2018-22), “Fluminense” (2018, 2016, 2015), “Londrina” (2017) və “Madureyra”da (2016) oynayıb.