Can Pyero Qasperini ilə bağlı məsələyə aydınlıq gəlib.

“Football-plus.az” xəbər verir ki, o, karyerasını hazırkı komandasında davam etdirmək qərarını verib.

66 yaşlı baş məşqçi ilə rəhbərlik arasında keçirilən son görüşdə əməkdaşlığın davam etdirilməsi qərara alınıb. Bundan əvvəl “Napoli”nin təklifini geri çevirən Qasperini “Atalanta”nı 2016-cı ilin yayından çalıdırır. Komanda onun başçılığı altında bir neçə gün əvvəl Avropa Liqasının qalibi olub. Bu, 116 illlik tarixə malik klubun qazandığı ikinci tituldu.

Yeri gəlmişkən, İtaliya çempionatında mayın ən yaxşı məşqçisi müəyyənləşib. Bu nominasiyanın qalibi məhz Qasperini olub. Onun komandası bu ay A seriyasında 4 oyun keçirib və bu matçların hamısında qalib gəlib. “Atalanta” 38-ci turdan sonra çempionatda 69 xalla 4-cü yerdədi. Amma ehtiyatda bir təxirə salınan oyunu olan komanda yekun mövqeyini yaxşılaşdıra bilər.

Qeyd edək ki, Qasperininin “Atalanta” ilə müqaviləsinin müddəti 2025-ci ilin yayına kimi nəzərdə tutulub.