İtaliya çempionatında 2020/21 mövsümünün ən yaxşı məşqçisi müəyyənləşib.

İtaliya Məşqçilər Assosiasiyasının keçirdiyi sorğunun qalibi “İnter”in sabiq çalışdırıcısı, hazırda “Tottenhem”ə başçılıq edən Antonio Konte olub. Xatırladaq ki, Konte ötən mövsüm “İnter”i A seriyasında çempionluğa daşımışdı. O, həmkarları arasında keçirilən sorğuda 20 xal səs toplamaqla 1-ci yeri tutub. Karyerasında 6-cı dəfə “Qızıl skamya” mükafatına layiq bilinən Konte bu göstəriciyə əsasən rekordçu olub.

Sorğuda növbəti iki yeri “Milan”ın baş məşqçisi Stefano Pyoli (19) ilə “Atalanta”nı çalışdıran Can Pyero Qasperini (8) tutub.