“Peres yaramaz və irqçidi!”
UEFA prezidenti “Real”ın rəhbəri haqda başqa nə deyib?
“The Objective” nəşri bir neçə il əvvəl UEFA prezidenti Aleksander Çeferinlə İspaniya Kral Futbol Federasiyasının prezidenti Luis Rubiales arasında olan söhbətdən hissələri dərc etməkdədi. Bu dəfə Çeferinin “Real”ın prezidenti Florentino Peres haqda dediyi sözlər diqqət mərkəzinə düşüb. Bu söhbət Superliqanın yaradılması fonunda baş tutub.
Xatırladaq ki, Avropa futbolunun rəhbəri dəfələrlə bu ideyanın “külünü göyə sovuran” açıqlamalar verib. O, “Mançester Yunayted”in və “Yuventus”un sabiq rəhbərlərini – Ed Vudvord ilə Andrea Anyellini (hər ikisi Superliqa ilə bağlı söhbətlərə cəlb olnmuşdu – red.) mediada “ilan” adlandırıb və əlavə edib:
“Futbol tam korrupsiyalaşmayıb. Yalnız kiçik bir hissə korrupsiyaya bulaşıb. Bunun başında acgözluk və qalan hər şeyə tüpürən adamlar dayanıb”.
Çeferin ardından Peresi “faydasız prezident” adlandırıb:
“Peres elə bir UEFA prezidenti istəyir ki, ancaq ona qulaq assın, dediklərini etsin. Ancaq mən Avropa və dünya futbolçunun maarqları naminə çalışıram”.
Sloveniyalı prezidentin publika önündə verdiyi bu açıqlamal yetərincə kobuddu. Ancaq 2019-un dekabrında yazdıqları daha böyük suallar doğurur. Rubiales ilə Çeferin arasındakı fikir mübadiləsi dekabrın 6-da – UEFA prezidenti “Real”ın və Peresin başında durduğu Superliqanın futbol ailəsini dağıdacağını deyəndən bir neçə saat sonra başlayıb. Rubiales Çeferinə belə bir mesaj göndərib:
“Florentino ilə danışacam. Ona görə ki, burda – İspaniyada Tebasla (La Liqanın prezidenti – red.) Florentino mənim əleyhimə olsalar, işləmək mümkün olmayacaq. Gəlin necə daha yaxşı hərəkət edəcəyimizi düşünək. Peres çox qürurlu adamdı. Düşünürəm ki, hamını sakitləşdirmək üçün danışmağa çalışa bilərik. Ancaq mən 100 faiz sizin yanınızda olacam. Buna görə narahat olmayın”.
Çeferin isə İspaniya Kral Futbol Federasiyasının prezidentinə belə cavab verib:
“Unutmayın ki, mən də qürurlu adamam. Mən Pereslə danışmaq istəmirəm. Buna yalnız sənə görə edərdim. Peres yaramaz və irqçidi! Məni sakitləşdirmə, bu mənə lazım deyil. Sadəcə, istəyirəm ki, sən güclü olasan”.
Hələ ki “Real”ın prezidentinin mediada yayılan bu danışığa reaksiyası bəlli deyil. Ancaq onun UEFA rəhbərini cavabsız qoyacağına inanmaq çətindi.
Digər xəbərlər
