Florentino Peres inadından dönmür.

“Real”ın prezidenti Avropa Superliqasının reallaşması üçün hazırda təxminən 50-60 klubla danışıqlar aparır.

Bu barədə “Voz Populi” nəşri məlumat yayıb. Bu mənbəyə görə, üç diviziondan ibarət yeni Avropa Superliqasının yaradılması ideyası müzakirə olunub. Superliqanın yeni versiyasının oyunlarının Çempionlar Liqası, Avropa Liqası və Konfrans Liqası günlərində keçirilməsi planlaşdırılır. Avropada yeni futbol turnirinin yaradılması üçün vacib məqamın UEFA və FİFA-ya qarşı antiinhisar işi ilə bağlı Avropa İttifaqı Məhkəməsinin çıxardığı ilkin qərar olduğu vurğulanır. Məhkəmə bu qurumların futbol yarışlarında inhisarının qanunsuz olduğunu tanısa, o zaman klublar hansı turnirdə iştiraka üstünlük verdiklərini seçmək imkanı əldə edəcəklər. Bu iş üzrə məhkəmə iclası dekabrın 21-nə təyin olunub.

Xatırladaq ki, Peres 2021-ci ilin yazında təqdim olunan Avropa Superliqasının ilk formatının təbliğatında lider funksionerlərdən biri olub.