“İddialara görə “Xəzər-Lənkəran” stadionu mayın sonunda təmirə bağlanacaq. Əvvəl mart, aprel aylarında bu prosesin baş verəcəyi deyilsə də, təmir-bərpa işləri aparılmamışdı. Stadionun altında yerləşən mağazalara oranı tərk etmək üçün vaxt vermişdilər. Həmin şəxslər mayın sonunda oranı tərk edəcəklərini bildiriblər. Mübariz Mənsimovun təmir üçün 5 milyon manatlıq büdcə ayırdığı deyilir. Klub geri dönərsə, loqosunda dəyişiklik olacaq və böyük ehtimalla 2-ci liqadan mübarizəyə qoşulacaq”.

“Mənə maraqlıdı ki, belə məlumatları hardan tapırlar? Doğrudu, fikir kimi var və inşallah, gerçəkləşəcək. Lakin dəqiq heç bir şey deyə bilmərik. Çünki hazırda stadionda təmirlə bağlı heç bir iş başlamayıb. Sadəcə, nə olur-olsun, stadionun təmir olunacağı fikri var. Müəyyən qədər bizdən asılı olmayan səbəblər var. Guya təmir üçün 4 və ya 5 milyon manat ayrılıb. Sadəcə, bu tərzdə yazırlar, ancaq indi ortada heç nə yoxdu. Yəqin ki, bilirsiz, ilk gündən stadionun bütün tikinti işləri özüm etmişəm. Yəni orda nə necədi və ya necə olmalıdı, yerin altından nə keçəcək, üstündən nə keçməlidi – hamısını bilirəm. Elə özüm də gözəyarı hesablama aparmışam. Stadionu müasir səviyyədə təmir etmək üçün 4-4,5 milyon manat vəsait lazımdı. Stadionun bərpa-tikinti prosesinə görə smetanı hesablayamaq üçün bura gələn “Palmali”nin işçilərinə də o vaxt bu barədə demişdim. Mübariz müəllim hansısa paylaşımı bəyənibsə, daha yaxşı. Bütün cənub zonası yenidən “Xəzər-Lənkəran”ın dönməsini arzulayır. Hamı premyer-liqada çıxaş edən bir klubun olmasını istəyir”.