"Çempionat başlayandan finala kimi komanda şəklində məşq etməmişik. Uşaqlar fərdi cəhətdən öz üzərində işləyir. Şükürlər olsun ki, çempion olduq. Çox sevinirəm ki, bu nəticəni əldə etdik. Düzü, çempion olacağımıza inanmırdım. Çünki "Hypers" çox yaxşı komandadı. Ehtiyat qüvvəsinin geniş olması ilə yanaşı, həm də mövsüm başlayandan həftədə 4 dəfə məşq edirlər. Buna görə də bir-birilərini yaxşı başa düşürlər. Təhlil etmişdim, bilirdim ki, ilk 20-25 dəqiqədə üzərimizədə təzyiq olacaq. O dəqiqələrdə qol buraxmamaq istəyirdik. Təəssüf ki, alınmadı və qapımızda qol gördük. "Hypers"in oyunlarını təhlil etmişdim. Onlarda 2-ci hissədə bir qədər geriləmə olur. Bunu bildiyim üçün 1-ci hissədə qol buraxmaq istəmirdim. Sonradan düşündüm ki, 1:0 hesabını saxlamalıyıq. İkinci hissədən etibarən daha yaxşı çıxış etdik. Qapıçımız da hər kəsə məlumdu. "Qarabağ" kimi komandanın qapıçısı olub. Ötən il də finalda bizə çox kömək etmişdi. Öz rayonumuzun uşağıdı. Komandada hər kəs Şimal bölgəsindəndi. Başqa heç yerdən futbolçu yoxdu. Hazırda çempionluğun dadını çıxarırıq. İnşallah, gələcəkdə daha da uğurlu olarıq".