"Hypers" üç günə yığılan komanda idi. 6-7 ay müddətdə qış-yağış bilmədən məşq etmişik. Region Liqası olduğundan çətinliklə hamını bir araya toplaya bilirdik. Əksər futbolçular minifutboldan gələn həvəskar uşaqlardı. Təcrübə o qədər deyildi. Bu yolda həm futbolçuların, həm də məşqçilərin əməyi böyük olub. Yaxşı heyət də var. Bura gəlib çıxmağımızda xadimədən tutmuş klub prezidentinə kimi hamının əziyyəti var. Rəhbərimiz özü çox səbirli, həmişə komandanın yanında olan və təkəbbürdən uzaq adamdı. Komandaya vaxt ayırır, hansısa futbolçunun problemi olanda həm maddi, həm mənəvi baxımdan dəstək olan biridi. Məşqçi korpusu olaraq, gecə-gündüz bilmədən təhlillər, məsləhətləşmələr aparırdıq. Oyunçuların da böyük payı var. Onlarla söhbət edəndə deyirdim ki, futbolçunun insani tərəflərinə önəm verirəm. Ola bilər güclü olsun, amma insani keyfiyyətləri aşağıdısa, belə futbolçu istəmirəm. Bu sadalananlar olmasa, həm meydanda, həm də komanda daxilində uğur qazanmaq çətindi. Çünki Region Liqası başqalarından fərqlidi. Hər adam belə liqada işləyə bilməz. Elə özüm 4 il uşaq futbolunda çalışdım. Düşünürəm ki, yaxşı məşqçi olmaq üçün aşağıdan başlamaq lazımdı. Görə-görə böyümək yaxşıdı. Karyeranı bitirən kimi millidə baş məşqçi işləməyi istəməklə olmur."Hypers" ilk vaxtlar məşq edə, paltardəyişmə otağı tapa bilmirdi. Futbolçu belə yox idi. Dostlarımı meydana çıxarırdım ki, uşaqlar görüb həvəslənsin. Beləcə yavaş-yavaş böyüdük. Elə vaxtlar olub ki, rəhbərliklə danışıb həftədə 3-4 dəfə məşq etməyə çalışırdıq. Bir komandada söz-söhbət varsa, deməli, iş gedir. Olmasa, yolaverdidi. Bizdə dava da, mübahisə də çox olurdu. Yəni həm məşqçi, həm futbolçu - demək olar ki, hər kəs bir-biri ilə problem yaşayıb. Amma yenə də bir masa arxasına gəlmişik. Çünki futbol fərdi yox, kollektiv idman növüdü. Dostlarım da can yandırır, əlindən gələni edirdi ki, komanda irəli getsin. Klub prezidenti Ayaz Abdullayev oz pulunu xərcləyir ki, nəsə əskik olmasın. Başqa gəlir yeri yoxdu. Elə kollektiv üzvü var ki, uşaq futbolunda işləyir, eləsi var dönərçidi. Belə komanda ilə işləmək çətindi. Bəzən maaş verə bilmir, hər birini bir tərəfdən tapıb gətirirdim. Region Liqası olmasına baxmayaraq, komanda hər şey ilə təmin olunurdu. Hakimlərə və rəqib komandaya qonaqpərvərliyimizi göstərirdik. Çoxları oyunumuza baxıb deyir ki, ikinci liqaya layiqsiz. Finalda "Şimal"a da uğurlar arzulayıram. Məqsədimiz qalib gəlməkdi. Mövsümün əvvəlindən hədəf qoymuşuq ki, çempion olaq. Həyətdə qalan və gedənlər barədə indidən planlar qururuq. Qalxdıqca dəyişiklik futbolun yazılmayan qanunudu. Hər biri ilə danışıq aparacağıq. Göz qoyduğumuz bir neçə futbolçu da var. Fikrimizi finala yönəltmişik. Çempion olub Avropaya getməyi düşünürük. İstəyirəm həmçinin sponsorlar da gəlsin. Komandanı tək gətiribsə, bundan sonra dəstək çox olsun. Təkliflər var, amma çempion olandan sonra ciddi danışıqlar aparacağıq”.

“Finala çıxdığımıza görə çox sevinirik. Uşaqlar əziyyət çəkib. Bu yerə çıxana qədər komanda şəklində məşq etməmişik. Ona görə ki, heyətdə hamı iş-güc sahibidi. Amma hər birinin futbol keçmişi var. Fərdi baxımdan formada qalmaq üçün mütəmadi həvəskar kimi məşğul olurlar. Hamısı təcrübəli və bacarıqlıdı. Kollektivin hazırlaşması üçün meydançamız yoxdu. Əsas problem də budu. Bu yöndə də işlər gedir. 2-ci liqada oynamaq üçün müəyyən hazırlıq görülür. Komandanı yaradanda əvvəldən planlar var idi ki, bu da Region Liqasında qalmaq deyil. Yəni 10 illik strategiyada davamlı şəkildə premyer-liqaya qədər irəliləməyi düşünürük. Əsas planımız stadiondu, bunun üzərində iş gedir. Həmçinin uşaq futbolunu da inkişaf etdirməklə böyümək istəyirik. Məqsədimiz yaxşı komanda qurmaq idi. Sonradan gördük ki, komanda yaxşıdı və çempion ola bilərik. Niyə də yox?! Rəqibimiz "Hypers" də zəif deyil. Onların bizdən üstünlükləri var. Çempionat başlayandan qrup şəklində məşqlər ediblər. Fərdi cəhətdən isə deməzdim ki, bizdən üstündülər. Oyunçu keyfiyyətinə görə biz onlardan yaxşı vəziyətdəyik. Matşlardan da hiss olunur ki, bir-birini yaxşı başa düşürlər. Amma finalda hər şey ola bilər. Saydıqlarımı nəzərə alanda şansımız 40-ın 60-a nisbətindədi. Onların çempionluq ehtimalı bizdən çoxdu. Amma eyni qrupdan çıxmışıq, həm də indiyəcən məğlub olmamışıq. Buna qədər qarşılaşmalarımız 2:2, 1:1 hesabları ilə bitib. Bununla yanaşı, yarımfinal və final arasında olan fasilələr bizə mənfi təsir edir. Çünki 12 gün fasilə bizə yaxşı gəlmir. Sponsorumuz var. Amma meydança üçün ayrılan böyük büdcə ilə bağlı bir qədər problem var. Onu da həll edəcəyik. Stadion məsələsi rayonumuzun yaralı yeridi”.