“Neftçi”də həmişə yaxşı futbolçular yetişib. Biz məşqçilərin də borcudu ki, bu futbolçuları formasının zirvəsinə çatdıraq. Yəni daha tez yüksəliş olsun, daha tez böyüsünlər. Həmişə buna çalışmışıq. Strategiyamızda məqsəd əsas komandaya daha çox futbolçu verməkdi. Yer tutmaq və nəticə öz yerində, istəyirik ki, futbolçularımızın bir qismi əsas komandaya yollansın. Rza Cəfərovla Ağadadaş Salyanski artıq əsas komandada çıxış edirlər. Qapıçımız Rəvan Kazımov da əsas komanda ilə məşqlərə çıxır. Bir sıra oyunçularımız var ki, əsas komandanın diqqət mərkəzindədi. Ümid edirəm ki, gələcəkdə onları da əsas heyətdə görə biləcəyik. Çempionluq elə hissdi ki, futbolçuya və məşqçiyə yaxşı motivasiya verir. Mənə xoş idi ki, digər klublar da futbolçularım haqqında yaxşı fikirlər söyləyirdilər. Komandamızda sabitlik var idi. Futbolçularımız nizam-intizama fikir verirlər. Komandamız kollektiv şəklində əsas işi görə bildi. Çempionluq insanda xoş hisslər yaradır. Bir futbolçu kimi bu hissləri yaşamışam. Məşqçi kimi də futbolçularıma deyirdim ki, bu çempionluğu əldə etməliyik. “Neftçi” kimi klubun formasında bu sevinci yaşamaq bizə ikiqat xoş təsir etdi. Çalışacağıq ki, davamını gətirək. Komandamızın buna potensialı var. İnanıram ki, bu çempionluq bizə gələcəkdə yaxşı təsir göstərəcək. Komandama çox təşəkkür edirəm. Daha çox çalışdıq ki, futbolçularımızın problemi olmasın. Özümüz həmin problemləri həll etməyə çalışırdıq ki, fikirləri futbolda olsun. Buna görə də komandamın böyük əziyyəti var”.