"Komandamın 18 tur ərzindəki çıxışından razı qaldım. Maksimum güclə mübarizə aparmağa çalışdıq. Şükürlər olsun ki, əziyyətimizin bəhrəsini gördük və birinci yarını 1-ci yerdə tamamladıq. Hazırda istirahətdəyik, bayramdan sonra toplaşacağıq. Qarşıda bizi çempionatın 2-ci yarısı gözləyir. 3-cü və 4-cü dövrələrdə də yaxşı çıxış edib çempion olmaq istəyirik. Başlıca məqsədimiz əsas komandaya futbolçu yetişdirməkdi. Amma birinci olmaq üçün də döyüşəcəyik”.

"Açığı, əsas komandada baş məşqçi dəyişikliyi haqda danışmaq istəmirəm. Amma inanıram ki, yeni məşqçinin gəlişi komandamız üçün faydalı olacaq. Hələ ki montereqrolu mütəxəssislə danışığımız olmayıb. Müzakirə etdikdən sonra əvəzedicilərdən komandaya kimlərin cəlb olunacağına da toxunulacaq. Ümumi onu deyim ki, komandamda potensiallı gənclər var. Əvvəlcə İsmayıl Zülfüqarlı ilə Fərid Yusiflini, sonra digər uşaqlarımızı əsas komandaya qazandırdıq. Bu gün qapıda gənc Rza Cəfərovun yer alması bizi sevindirir. Rza da bacardıqca ona verilən şansdan yararlanmağa çalışır. Gənclərimizin irəli getməsi üçün bundan sonra da var qüvvəmizlə çalışacağıq".