“Göründüyü kimi, üç yerə 4 namizəd var. "Zirə" - "Səbail", "Sumqayıt" - "Qəbələ", "Neftçi"-"Sabah" görüşləri var. Avrokubok üçün mübarizə aparan klubların şansları bərabərdi. Bəlkə də kağız üzərində "Sumqayıt"ın nisbi üstünlüyü var. Nəzərə alsaq ki, "Qəbələ" son oyunlarda məzmunlu və məhsuldar oyun göstərir, demək olar ki, "kimyaçılar" da çətinə düşəcək. Eyni sözü "Zirə"yə də aid etmək olar. Çünki "Səbail" son 3 turda uduzub, bu dəfə geridönüş edə bilər. Bir məqamı da yaddan çıxarmayaq ki, son turda bütün futbolçular özünü göstərməyə çalışır. Təbii ki, turun həlledici görüşü "Neftçi" ilə "Sabah" arasında olacaq. Nəzəri cəhətdən baxanda "ağ-qaralar"ı heç-heçə də qane edir. Ümumiyyətlə, belə deyim var ki, bir oyunda qələbə qazanmaq istəyirsənsə, vacib olan hücum xəttidi. Ancaq uzun marafonda tutula yiyələnmək üçün gərək etibarlı müdafiə ilə seçiləsən. Bu halda görərik ki, müdafiə futbolunu "Zirə" ilə "Sumqayıt" oynayır. “Neftçi” - "Sabah" oyununda şanslar bərabərdi. Hər bir komandaya uğurlar arzulayıram. Qoy güclü olan qazansın və Azərbaycanı Avropada layiqincə təmsil etsin. İddialari böyük olan komandalar sona qədər mübarizə aparır. “Kimyaçılar" ilk turdan çox maraqlı və baxımlı oyun sərgiləyir. Hesab edirəm ki, "Sumqayıt" Avropaya vəsiqə qazanmaq baxımından başqalarından şanslıdı”.