"Məncə, "Sabah"ın məğlubiyyətini mənim yoxluğuma bağlayanlar hardasa haqlıdı. Lakin tək səbəb mənim yoxluğum deyildi. "Sabah" bir basketbolçudan ibarət klub deyil. Fikrimcə, həmin görüşə oyunçular lazımi istəklə çıxmamışdı. Söhbət hər kəsə aid olmasa da, çoxuna aiddi. Məşqçilər korpusu tərəfindən bəzi taktiki düzəlişlər edilsə də, onu tam şəkildə yerinə yetirə bilmədik. "Xəzri" oyuna çox aqressiv başlamışdı. Daha istəkli və enerjili oyun nümayiş etdirdilər. Buna görə də layiqli qələbə qazandılar. Bu oyunda artıq mən meydançada olacam. Əlimdən gələni etməyə çalışacam ki, qələbə qazanaq. Çünki bizim üçün çox kritik və vacib matç olacaq".