Tuxel Mançesterə yollanacaq?
Tomas Tuxel bir müddət əvvəl verdiyi qərarını dəyişməyib.
Təcrübəli mütəxəssis “Bavariya”nı tezliklə tərk edəcək.
O, Almaniya mətbuatına belə açıqlama verib:
“Bu, “Bavariya”nın baş məşqçisi kimi son mətbuat konfransımdı. Danışıqlar oldu, amma razılığa gələ bilmədik. Ona görə də fevralda verdiyim qərar qüvvədə qalır”.
Tuxel komandanı 2023-cü ilin martından çalışdırır. Komanda onun rəhbərliyi altında bütün turnirlərdə 37 qələbə qazanıb, 8 dəfə heç-heçə edib, 15 oyunda məğlub olub. “Bavariya” Almaniya çempionatında sona bir tur qalmış 72 xalla 2-ci yeri tutur.
Yeri gəlmişkən, artıq Tuxelin adı “Mançester Yunayted” ilə birgə hallanır. Kristian Falk onun yeni mövsümə bu klubda başlaya biləcəyini xəbər verib. Almaniyalı jurnalist 50 yaşlı mütəxəssisin İngiltərə klubu ilə danışıq apardığını əsas gətirib.
