Bu gün keçirilən matçla Misli premyer-liqasında 35-ci tura yekun vurulub.

Görüş “CBC Sport” vasitəsilə canlı yayınlanıb.

4-cü dövrə, 35-ci tur
19 may
Qəbələ – Araz-Naxçıvan 2:0
Osama Xalayla, 51, Əyyub Allaş, 87
“Qəbələ”nin bu rəqiblə ev oyununun balansı: 1:+0=0-1, 1:4.
2023/24 – 1:4.
Cəzalı: Zurab Oçiqava (Qəbələ).
“Futbol+”in proqnozu: 30-30-40.
Hakimlər: ELVİN BAYRAMOV, Vüsal Məmmədov, Tərlan Talıbzadə, Əkbər Əhmədov.
Hakim-inspektor: Əmrah İbrahimov.
AFFA nümayəndəsi: Rüfət Əmirov.
Qəbələ. Şəhər stadionu. Saat 16.00.
“Qəbələ” üçün nağılın başa çatdığını bilirik. Bu baxımdan matçın prinsipial əhəmiyyəti yoxdu. Amma və lakin... Rəqib “qırmızı-qaralar”ın sabiq baş məşqçisi Elmar Baxşıyevin çalışdırdığı “Araz-Naxçıvan”dı. Belədə nəticənin maraqla gözləniləcəyini deyə bilərik. İş orasındadı ki, “Qəbələ” bu rəqibi hələ məğlub edə bilməyib! Bununla yanaşı, Muxtar Respublika təmsilçisi mövsümü axırdan ikinci sırada bitirmək istəmir. Təbii ki, bunun üçün “Kəpəz”in önə keçməsini əngəlləmək vacibdi. Elmar Baxşıyev isə “qırmızı-ağlar”dakı karyerasını davam etdirə bilmək üçün komandasını qələbəyə kökləməlidi.
Bu rəqiblər indiyə qədər 3 dəfə qarşılaşıb. Bunların 2-də “Araz-Naxçıvan” qalib gəlibsə, 1-də heç-heçə qeydə alınıb. Topların nisbətində də naxçıvanlılar öndədi – 7:2.

18 may
Sabah – Sumqayıt - 2:0.
Murad Xaçayev, 34-ö.q. Anatoli Nuriyev, 90+1.
“Sabah”ın bu rəqiblə ev oyunlarının balansı: 10:+4=3-3, 20:14. 2018/19 – 1:4, 1:1; 2019/20 – 1:3; 2020/21- 1:2, 1:1; 2021/22 – 3:0, 2:2; 2022/23 – 3:0, 4:0; 2023/24 – 3:1.
Cəzalı: Davit Volkov (Sabah).
“Futbol+”in proqnozu: 40-30-30.
Hakimlər: İNQİLAB MƏMMƏDOV, Namiq Hüseynov, Rahil Ramazanov, Fərid Hacıyev.
Hakim-inspektor: Babək Quliyev.
AFFA nümayəndəsi: Elgiz Abbasov.
Bakı. “Bank Respublika Arena”. Saat 17.00.
Masazırda avrokuboklara iddialı iki komanda üz-üzə gələcək. Ötən həftə “Qəbələ”yə uduzaraq (0:2) ilk “dördlüy”ü tərk edən “bayquşlar”ın indi məğlub olmaq lüksü yoxdu. Çünki növbəti xal itkisi komandaya çox baha başa gələ bilər. Hazırda Renduliçin özünü sübut etməsi, futbolçuların isə özünəinamı bərpa etməsi vacibdi. Komandanın “doğma divarlar” arasında meydana çıxacağanı və ümumi statistik göstəriciləri nəzərə alsaq, “Sabah”ı nisbi favorit saymaq olar. Lakin mövsümün sonuna cəmi 2 tur qalıb. Masazırdan əksər hallarda məyus qayıdan “kimyaçılar” bu dəfə qələbə qazanmalıdı. Ona görə ki, 3 xal Samir Abasovun komandasının işini xeyli asanlaşdıracaq. “Gənclik şəhəri”nin təmsilçisi 7 oyunluq məğlubiyyətsizlik seriyasını davam etdirməlidi. O da unudulmamalıdı ki, “Sumqayıt” sonuncu dəfə məhz “Sabah”a məğlub olub (27-ci tur: evdə - 1:2.) Həm də “kimyaçılar” “bayquşlar”ın meydanında keçirdiyi son 3 matçda xala həsrət qalıb.
Ümumiyyətlə, bu komandalar 22 görüşdə üz-üzə gəlib. Bunların 12-də Masazır, 7-də Sumqayıt təmsilçisi qələbə qazanıb, 3 oyunda hərəyə 1 xal düşüb. Topların nisbətində “tələbələr” öndədi – 42:22.

Səbail – Neftçi - 0:3
Brayan Moreno, 69. Ataa Caber, 77. Qara Qarayev, 82.
“Səbail”in bu rəqiblə ev oyunlarının balansı: 12+1=3-8, 8:26.
2017/18 – 1:0, 0:4; 2018/19 – 0:2, 2:2; 2019/20 – 0:0; 2020/21 – 1:3, 0:4; 2021/22 – 1:3, 0:1; 2022/23 – 0:2, 1:1; 2023/24 – 2:4.
Cəzalılar: Yuri Matias, Andre Şinyaşiki (hər ikisi “Neftçi”).
“Futbol+”in proqnozu: 40-30-30.
Hakimlər: TURAL QURBANOV, Rəhman İmami, Zöhrab Abbasov, Nicat İsmayıllı.
Hakim-inspektor: Feyzulla Feyzullayev.
AFFA nümayəndəsi: Zaur Hacıməhərrəmov.
Bakı. “ASCO Arena”. Saat 17.00.
“Səbail”in mövsümü 6-cı pillədə bitirməkdən başqa hədəfi ola bilməz! Şahin Diniyev komandasını məhz bu məqsədlə meydana çıxaracaq. “Dənizçilər”in statistik göstəricilər baxımından bu oyunda şansı azdı. Amma rəqibin iki əsas futbolçusunun cəzalı, kapitan Emin Mahmudovun zədəli olması meydan sahiblərinin işinə yaraya bilər. “Neftçi” isə avrokuboklar uğrunda mübarizədə büdrəməməlidi. Kubokla vidalaşan Bojoviç rəhbərliyin tapşırığını, yəni mövsümü 2-ci pillədə bitirməyi öhdəsinə götürübsə, yeganə çıxış yolu Bayıldan 3 xalla qayıtmaqdı. Onu da nəzərə alaq ki, “Səbail” son 19 matçda bu rəqibə qalib gələ bilməyib.
Ümumiyyətlə, bu komandalar indiyə qədər 26 dəfə qarşılaşıb. Bunların 2-də “dənizçilər”, 19-da “ağ-qaralar” qələbə qazanıb, 5-də “sülh” qeydə alınıb. Topların nisbətində “Neftçi” öndədi – 58:16.

Kəpəz – Zirə - 0:1
Salifu Suma, 49
“Kəpəz”in bu rəqiblə ev oyunlarının balansı: 9:+3=4-2, 8:7.
2015/16 – 1:1, 2:0; 2016/17 – 2:0, 1:0; 2017/18 – 0:3, 0:0; 2022/23 – 1:2, 1:1; 2023/24 – 0:0.
Cəzalılar: Olavale Onaquna, Şakir Seyidov, Martins Junior (hamısı “Kəpəz”).
“Futbol+”in proqnozu: 30-40-30.
Hakimlər: RƏVAN HƏMZƏZADƏ, Kamran Bayramov, Cəmil Quliyev, Kamal Umudlu.
Hakim-inspektor: Zöhrab Qədiyev.
AFFA nümayəndəsi: Emin Cəfərov.
Tovuz. Şəhər stadionu. Saat 17.00.
Adil Şükürovun komandası ötən həftə “Neftçi” önündə acınacaqlı məğlubiyyət yaşadı. İndi toparlanmaq və nəticə qazanmaq zamanıdı. Ona görə ki, “Kəpəz” mövsümü 8-ci pillədə bitirmək istəyir. Bunun üçün şansların olduğunu da bilirik. Gəncəlilər “Zirə”ni büdrətməklə hədəfə çatmaq yolunda tutarlı addım ata bilər. Təbii ki, zədəlilərlə cəzalıları əvəzləyəcək futbolçular layiqincə çıxış etsə... “Qartallar” isə avrokuboklara vəsiqə uğrunda növbəti gərgin matça çıxacaq. Rəşad Sadıqovun komandası qızıl dəyərində olan bir xalın belə itirilməsinə görə peşman olmaq istəmirsə, səfərdən mütləq əlidolu qayıtmalıdı. Bu yöndə şansları artıran məqam isə “Zirə”nin “sarı-göylər”ə qarşı keçirdiyi son 11 matçda uduzmamasıdı.
Bu komandalar indiyə qədər 19 dəfə qarşılaşıb. Bunların 3-də gəncəlilər, 8-də “qartallar” qalib gəlib, daha 8 matçda qalib müəyyənləşməyib. Topların nisbətində qəsəbə təmsilçisi öndədi – 25:17.

1. Qarabağ 35 26 4 5 95-35 82
2. Neftçi 35 16 8 11 51-39 56
3. Zirə 35 15 10 10 32-22 55
4. Sabah 35 16 7 12 49-40 55
5. Sumqayıt 35 14 12 9 36-38 54
6. Turan Tovuz 35 12 8 15 52-53 45
7. Səbail 35 11 9 15 50-59 42
8. Kəpəz 35 9 8 18 39-66 35
9. Araz-Naxçıvan 34 9 8 17 29-46 35
10. Qəbələ 35 7 5 23 30-63 26
Bombardirlər: Olavio Juninyo (Qarabağ) - 18, Aleksandr Ramalinqom (Səbail) - 15.

KƏNAN BAHADIR