“Bir azərbaycanlı, həm də bir qazaxlı kimi sevincimin həddi-hüdudu yoxdu. Bütün Qazax əhli bu günü gözləyirdi. İllərdi həsrətindəydik. Cənab prezidentimizə təşəkkürümü bildirirəm. İnanıram ki, bu torpaqların işğaldan azad olunması futbol adamlarını da qürurlandırır. Həqiqətən böyük xəbərdi. Bir gülləsiz torpaqlarımız geri qayıdır. Belə xoş xəbərə sevinməmək mümkün deyil”.

“Hamımız sevinc içindəyik. Bütün Qazax camaatı bu xəbəri eşidəndə sevindi. Həmçinin də biz futbol adamları. Allah cənab prezidentimizin canını sağ eləsin. Şəhidlərimizə rəhmət, qazilərimizə isə şəfa diləyirəm. Müharibəsiz, itkisiz bu torpaqlara qayıda bilməyimiz bizim üçün ən böyük hədiyyədi Hamının gözü aydın olsun. Mənim futbolçularimdan da ikisi məcburi köçkün həyatı sürürdü. Bu gün sevinə-sevinə mənə deyirlər ki “Elxan müəllim, biz daha qaçqın deyilik”. Dedim, əlbəttə, elədi. Sevinc elədi ki, adam söz tapıb deyə bilmir. Hər şey gözəldi. Qazaxda da hər kəs bir-birini təbrik edir. Sağ olsun dövlətimiz, yaşasın Azərbaycan xalqı!”