Bu gün “Neftçi”nin Müşahidə Şurasının üzvü, veteran futbolçu Səməd Qurbanovun 69 yaşı tamam olur. 1971-82-ci illər aralığında ağ-qara formanı geyən Səməd bəy azərbaycanlı futbolsevərlərin yaddaşında özünəməxsus iz buraxıb. Qazaxlı sol cinah yarımmüdafiəçisi sürətli reydlərinə görə "Jiquli" ləqəbini qazanıb. İndiki meyarlarla yanaşanda yetərincə tez - 30 yaşında futbolçu karyerasını bitirsə də, yenə də paytaxt klubuna bağlıdı. Son illərdə "Neftçi"nin həyatında, idarəçiliyində fəal rol oynayır, müntəzəm medianın suallarını cavablayır. "Neftçi" də saytı vasitəsi ilə veteranını təbrik edib, uzun ömür və uğurlar arzulayıb.