Miodraq Bojoviç: “Səhvlərimiz üzündən məğlub olduq”
"Neftçi” premyer-liqanın 31-ci turunda səfərdə “Zirə”yə 1:3 hesabla məğlub oldu.
“Football-plus.az” az xəbər verir ki, “Ağ-qaralar”ın baş məşqçisi Miodraq Bojoviç matçdan sonra keçirilən mətbuat konfransında qarşılaşma barədə fikirlərini bölüşərək jurnalistlərin suallarını cavablandırıb:
“İlk hissə yaxşı oynadıq. Rəqib azlıqda qalana qədər oyuna nəzarət edirdik. "Zirə" 10 nəfərlə oynamağa başlayandan sonra futbolçuların asanlıqla qələbə qazanacaqlarını düşündülər. Rəqib "qırmızı"dan sonra qapımıza standart vəziyyətdən qol vurdular. Səhvlərimizdən məğlub olduq”.
- 4-5 il əvvəl "Neftçi" "Zirə" və "Sabah" kimi komandalara uduzanda azarkeşlər komandanı tənqid edirdi. Nə baş verir ki, "Neftçi" indi həmin komandalara qarşı meydanda say üstünlüyü qazansa da, qalib gələ bilmir?
- Futbolda bəzən belə hallar olur ki, azlıqda qalan rəqibə uduzursan. Ona görə hamı bu idman növünü sevir. Siz mənə desəydiniz ki, azlıqda qalan rəqibə məğlub olacağıq, inanmazdım.
Digər xəbərlər
