Kişi və qadın voleybolçular arasında ölkə çempionatında son finalçılar müəyyənləşib.

Əvvəlcə kişilərin turniri haqda. “Azərreyl” finalda “Murov Az Terminal”la qarşılaşacaq. Bu komanda yarımfinalın cavab görüşündə də “Neftçi”yə qalib gəlib – 3:0 (25:21, 25:20, 25:19). “Azərreyl” ilə “Murov Az Terminal” arasındakı final görüşü aprelin 22-də keçiriləcək.

Qadınların liqasında da 2-ci finalçı bilinib: “Murov Az Terminal” – “Abşeron” - 3:1 (21:25, 25:20, 25:19, 25:20), qızıl set - 11:15. Xatırladaq ki, bu komandalar arasındakı ilk oyunda “Abşeron” 3:1 hesabıyla qalib gəlmişdi. Beləliklə, aprelin 23-də keçiriləcək finalda “Azərreyl”lə Abşeron” qarşılaşacaq.

Qeyd edək ki, 3-cü yer uğrunda oyunların da tarixi bəllidi. Aprelin 20-də Gənclər və İdman Nazirliyinin Voleybol Mərkəzində əvvəlcə kişi voleybolçular 3-cü yer uğrunda matça çıxacaq. Saat 15.00-da start götürəcək matçda MOİK ilə “Neftçi” üz-üzə gələcək. Daha sonra qadın voleybolçular 3-cü yerin sahibini müəyyənləşdirəcək. Saat 18.00-da “Gəncə” ilə “Murov Az Terminal” münasibətləri aydınlaşdıracaq.