“Hesab edirsiz ki, Juninyo hər oyunda iki-üç qol vurmalıdı?” - amma Qurban Qurbanov narazıdı
“Neftçi” – “Qarabağ” oyunu bakılıların darmadağını ilə yadda qaldı.
Maraqlıdı ki, ağdamlıların baş məşqçisi Qurban Qurbanov hətta bu hesabın fonunda da meydandakı bəzi futbolçularının davranışından narazı qaldı:
“Ayrı-ayrı futbolçularda hiss olunur ki, sanki onlara təklif çoxdu. Özlərini oyuna nə qədər hazırlasalar da, meydanda əvvəlki aqressivlik olmur”.
Maraqlıdı, mövsümün sonuna az qalmış çempionluğun təmin olunması, eləcə də təklif axını “Qarabağ”ın oyunçularının davranışına təsir edirmi?
Bu sualı meneceri Tural Əsgərova ünvanladıq:
“Bu hal müntəzəm xarakter daşımırsa, kimisə oyuna köklənməməkdə ittiham etmək düzgün deyil. Mən qeyri-adi heç nə hiss etmədim. Sadəcə, bəzən birinin oyunu cox yaxşı alnır, biri isə digəri ilə muqayisədə kölgədə qalır. Hesab edirsiz ki, Juninyo hər oyunda iki-üç qol vurmalıdı? Sualınızın ikinci hissəsinə gəlincə, sizə bir sirr acım: bir cox hallarda yeni və daha yaxşı təkliflər idmançıların motivasiyasına yaxşı təsir edir. Və hər bir ağlı başında olan idmancı başa düşür ki, meydandakı performansı ilk növbədə öz gələcəyi ücün onəmlidi”.
ELMİN
