“Hər iki komandaya uğurlar arzulayıram. Yaxşı, məzmunlu oyun gözləyirəm. Avropa Liqasına getməyin ən qısa yolu kubokdan keçir. "Neftçi" titul qazanmaq istəyirsə, mütləq bu oyunda qələbə qazanmalıdı, meydançanın hər yerində mübarizə aparmalıdı. Düşünürəm ki, istəkləri bu gün "Qarabağ"dan daha çox olmalıdı. Çünki "Qarabağ"ın artıq bir titulu var. Hazırda çempionatın ən güclüsüdü. Onlarla ayaqlaşa bilən komanda yoxdu. Buna baxmayaraq, “Neftçi” bu oyunda mübarizə aparsa, qələbə qazana bilər. Yəqin ki, baş məşqçi "Qarabağ"ın oyununu təhlil edib. Düzgün taktika seçib, qələbə qazana bilərlər. Bu da futbolçuların meydanda özlərini yaxşı tərəfdən göstərməsindən asılı olacaq”.

“Neftçi”nin hansısa bir oyun və ya oyun sistemi ilə bizi təəccübləndirib qalib gəlməsi çətindi. Fikirləşirəm ki, “Qarabağ” rahatlıqla qalib tərəf olacaq”.

“Neftçi” – “Qarabağ” qarşılaşması həmişə olduğu kimi, yenə öz aktuallığını qoruyur. Bəli, "Qarabağ" rəqibindən çox güclüdü. Nəticələr də bunu sübut etdi. Amma dünyanın sonu deyil. Bir amil var ki, “ağ-qaralar”ın xeyrinə ola bilər. O da "Qarabağ"ın oyunçularının rəqibi qiymətləndirməməsidi. Çempion olandan sonra mövsümlük işlərinin öhdəsindən gəldiklərini düşünüb rahatlasalar, yalnız bu hal “Neftçi”yə kömək edə bilər. Təbii ki, Qurban Qurbanovun olduğu yerdə rahatlaşmaqdan söhbət gedə bilməz. Amma bu futboldu, futbolçu beynidi. Ona görə hərşey ola bilər. O ki qaldı “Neftçi”nin özünün edə biləcəklərinə, sadəcə, sona qədər döyüşməlidilər. Ancaq döyüşməklə rəqibin presinq potensialına zərbə vurub, mübarizə aparıb qalib gələ bilərlər. Bojoviçin taktiki biliyi növbəti dəfə ortaya çıxmalıdı. Taktiki savaş olacaq. Hər şey Bojoviçin yanaşmasından aslıdı. "Qarabağ"ın, Qurban Qurbanovun gücü hamıya məlumdu. Ona görə orda qeyri-adi bir şey görməyəcəyik”.

“Bu cütün favoriti “Qarabağ”dı. Hətta mən deyərdim ki, indiki “Neftçi”nin “Qarabağ” önündə heç bir şansı yoxdu. Üstəlik “Qarabağ” çempionluğu da rəsmləşdirib, aparıcı futbolçularına yetərincə istirahət verib cavab oyununa tam güclə çıxarmaq imkanı da var. “Qəbələ” ilə oyunda rəqibə o qədər qol imkanları verən "Neftçi" müdafiəsinin Juninyo, Yankoviç, Zubir kimi futbolçular önündə nə edəcəyi şəxəsn mənə də maraqlıdı”.