Musa Qurbanlı "Qarabağ"ı tərk edir? - Qurban Qurbanov açıqladı
Azərbaycan premyer-liqasının 26-cı turunda “Qarabağ” “Zirə” ilə heç-heçə etdi – 0:0.
“Football-plus.az” xəbər verir ki, oyundan sonra keçirilən mətbuat konfransında Qurban Qurbanov Musa Qurbanlının karyerasını Avropada davam etdirib-edirməyəcəyi ilə bağlı sualı cavabladı. 50 yaşlı mütəxəssis oğlu ilə digər futbolçular arasında fərq qoymadığını da dilə gətirdi:
“Hardadı o xəbərlər? Mənim heç xəbərim yoxdu. Dəfələrlə demişəm ki, mənim üçün bu komandadakı hər bir futbolçu Musa ilə eyni səviyyədədi. Heç vaxt klubda ayrı-seçkilik yaratmamışam, belə bir şeyin olmasını da istəmərəm. Musa oğlumdu, amma evdə. İşdə hər biri mənə necə yaxın və əzizdisə, Musa da elə. Fikrimcə, hansısa təklifi yoxdu. Nə mənə, nə də kluba bununla bağlı təklif olub. İnanmıram ki, tezliklə də olsun. Belə bir şey baş versə, sizə xəbər veriləcək. Lakin olmayan bir şeyə fikir bildirmək bir o qədər də düzgün deyil”.
Qeyd edək ki, Musa Qurbanlı cari mövsüm “Qarabağ”ın heyətində 21 oyunda 8 qol vurub, 6 məhsuldar ötürmə verib.
İLKİN SULTANLI
Digər xəbərlər
