Dünən futbol üzrə ölkə çempionatının 1-ci liqasında 3-cü dövrəyə, yəni 19-cu tura yekun vurulur. Gün ərzində keçiriləcək oyunlar PFL-in “1-ci liqa/2-ci liqa” “yutub” kanalında canlı yayınlanacaq.

“Zaqatala” evdə MOİK-i büdrətməyə çalışacaqsa, ordu klubu çempionluq uğrunda mübarizədə şanslarını artırmağa köklənəcək. Hər halda, favorit Qəzənfər Abbasovun komandasıdı. Yenə də meydan sahiblərinin sürpriz nəticə üçün “tər tökəcəyini” gözardı etməmək lazımdı. Sonuncu oyunda “İmişli” “Şamaxı”nı qonaq edəcək. Əsgər Abdullayevin yetirmələri həlledici və mərkəzi matçdan üzüağ çıxmalıdı. Azarkeş dəstəyi və doğma meydan amili “şirlər”i məyus etmək üçün bəs edə bilər. Bunun əksi ev sahiblərini hədəfdən bir qədər yayındıracaq. “Şamaxı” da eyni məqsədlə meydana çıxır. Ramiz Məmmədovun komandası azı 2-ci pillədə qərarlaşmaq şansını qaçırmaq istəməyəcək.

29 mart
Zaqatala – MOİK 0:1
Ramil Orucov, 90+5.
Zaqatala. Olimpiya İdman Kompleksinin stadionu. Saat 15.00.

İmişli – Şamaxı 0:0
İmişli. Heydər Əliyev adına şəhər stadionu. Saat 16.00.

28 mart
Karvan – Difai Ağsu 0:0
Yevlax. Şəhər stadionu. Saat 15.00.

Qaradağ Lökbatan – İrəvan 3:0
Seyxan Fərəcov, 35, 74. Xəlil Bəşirov, 86.
Lökbatan. Olimpiya İdman Kompleksinin stadionu. Saat 15.00.

Araz Saatlı – Mingəçevir 4:0
Sequn Omotoşo, 37. Ravil Yusifli, 42. Həmzə Əliyev, 85. Elnur Mustafazadə, 90.
Saatlı. Olimpiya İdman Kompleksinin stadionu. Saat 16.00.

Xal durumu: Qaradağ Lökbatan – 39, MOİK – 38, İmişli – 36, Şamaxı – 35, Karvan – 28, İrəvan – 23, Zaqatala – 22, Mingəçevir – 21, Difai Ağsu – 19, Araz Saatlı – 7.

Bombardirlər: Elşad Tağıyev (Şamaxı) – 12, Elmir Rəhimzadə (MOİK) – 12, Emin Zamanov (Şamaxı) – 9.

KƏNAN BAHADIR