"Zirə" fasiləni necə dəyərləndirir? - AÇIQLAMA
"Zirə" 27 turdan sonra Misli premyer-liqasında 39 xalla turnir cədvəlinin 4-cü pilləsindədi.
Qəsəbə təmsilçisi avrokuboklara vəsiqə şansını qoruyur. Bəs "Zirə" millinin oyunlarıyla bağlı fasilədən necə yararlanır? Qəsəbə təmsilçisinin ümumi durumu və 4-cü dövrə üçün planları nədən ibarətdi?
Bu suallarla "qartallar"ın mətbuat xidmətinin rəhbəri Elmar Abdullazadəyə müraciət etdik. Onun "Football-plus.az"a söylədikləri:
"Komanda martın 20-də məşqləri bərpa edib. Hazırda Misli premyer-liqasının 28-ci turunda "Sabah"a qarşı keçiriləcək oyuna hazırlaşırıq. Futbolçuların ümumi durumu qaydasındadı. Kollektiv növbəti matçlara fiziki və psixoloji cəhətdən tam hazır olmaq istəyir. Yoxlama oyunu nəzərdə tutulmayıb. Zədəlilərimizin (Filipe Paxtman və Rüstəm Əhmədzadə - red.) müalicəsi davam edir. Hələ ki "Sabah"a qarşı oynayıb-oynamayacaqları dəqiq deyil".
Qeyd edək ki, "Zirə" martın 30-da "Sabah"ın qonağı olacaq. "Bank Respublika Arena"da keçiriləcək oyun saat 19.00-da başlayacaq.
KƏNAN BAHADIR
Digər xəbərlər
