Bu gün 21 yaşadək futbolçulardan ibarət Azərbaycan millisi AÇ-2025-in seçmə mərhələsində növbəti oyuna çıxıb.

"Football-plus.az" xəbər verir ki, Samir Əliyevin komandası F qrupunda ilk ev matçını keçirib. Rəqib Şimali İrlandiya yığması olub. Qarşılaşma “CBC Sport”dan canlı yayınlanıb.

U-21-lər arasında AÇ-2025-in seçmə oyunu
F qrupu
Azərbaycan – Şimali İrlandiya 0:1
Kerin Makqakin, 19
Hakimlər: GEORGİ DAVİDOV, Georgi Donyov,Miroslav Maksimov, Kristiyan Kolev (hamısı Bolqarıstan).
12 oktyabr. Bakı. “Azərsun Arena”. Saat 18.00.
Bu komandanı bizimkilər üçün münasib rəqib saya bilərik. Çünki irlandiyalılar qrupda keçirdiyi ilk iki oyunda uduzub – səfərdə Ukraynaya, evdə Luksemburqa (hər ikisinə 0:1).

Samir Əliyev komandası isə qrupda cəmi 1 oyun keçirib. Yığmamız güclü Serbiyaya səfərdə 0:2 hesabı ilə məğlub olub. Nəticələri nəzərə alanda görürük ki, Şimali İrlandiyanın vəziyyəti o qədər də yaxşı deyil. Doğma meydandakı ilk oyunda bu rəqibi məğlub edə bilərik. Amma Əliyevin komandasının buna potensialı çatacaq? Əsas sual doğuran məqam budu. Düzdü, baş məşqçi premyer-liqa və 1-ci liqada özünü yaxşı tərəfdən göstərən futbolçuları yığmaya dəvət edib. Təsadüfi deyil ki, “Neftçi”dən Fərid Yusifli, “Sabah”dan Yusif İmanov, “Turan Tovuz”dan Veysəl Rzayev, “Araz-Naxçıvan”dan Abbas Rzayev, “Kəpəz”dən Rüfət Əhmədov kimi oyunçular Şimali İrlandiyaya qarşı oyunda meydana çıxacaq. Bu futbolçuların hamısı premyer-liqa oyunlarında müntəzəm görünürlər. Məhz bu məqamı nəzərə alaraq yığmamızın meydana qələbə üçün çıxacağını söyləyə bilərik. Lakin Tommi Raytın komandası da qalib gəlməklə vəziyyəti düzəldə bilər. Bir sözlə, bizi “Azərsun Arena”da baxımlı və maraqlı qarşılaşma gözləyir.
Bu gün qrupumuzda daha iki oyun keçiriləcək: Lüksemburq Ukraynanı, İngiltərə Serbiyanı qəbul edəcək.

1. İngiltərə 1 1 0 0 3-0 3
2. Serbiya 1 1 0 0 2-0 3
3. Ukrayna 1 1 0 0 1-0 3
4. Luksemburq 2 1 0 1 1-3 3
5. Azərbaycan 1 0 0 1 0-2 0
6. Şimali İrlandiya 2 0 0 2 0-2 0