Musa gəldi, Arif Əsədov başqa futbolçuya ehtiyacı olmadığını dedi
FİFA tərəfindən ilk dəfə Bakıda təşkil olunacaq “FIFA series – Edition 2024” layihəsində mübarizə aparacaq yığmamızın heyətində dəyişiklik baş verdiyini yazmışdıq. Belə ki, yarımmüdafiəçi Aleksey İsayev zədə səbəbindən heyətdən çıxarılıb.
Görəsən, onun əvəzinə başqa futbolçu dəvət edilə bilərmi? Və ya ehtiyatda olanlardan kiminsə əsas heyətə daxil edilməsi gözlənilirmi?
Bu suallarla yığmanın baş məşqçisinin səlahiyyətlərini yerinə yetirən Arif Əsədova müraciət etdik. Onun "Football-plus.az"a söylədikləri:
"Hazırda hər mövqe üçün iki oyunçumuz var. Bu üzdən hansısa dəyişikliyə ehtiyac yoxdu. Lazım olduğu təqdirdə başqa futbolçuya şans veriləcək. Hələ ki kimisə çağırmağı düşünmürəm".
Yeri gəlmişkən, Arif bəydən ilk məşqi buraxan Musa Qurbanlının düşərgəyə qoşulub-qoşulmadığını da öyrəndik. O, hücumçunun komandayla birgə olduğunu dedi.
KƏNAN BAHADIR
Digər xəbərlər
