Toni Kroos ilə bağlı gözlənilən xəbər yayılıb.

“Real”ın yarımmüdafiəçisi Almaniya yığmasına çağrılıb.

34 yaşlı futbolçu Fransa və Niderlandla bu ay keçiriləcək yoldaşlıq matçları üçün bundestimə dəvət olunub. Kroos 2021-ci ildən sonra ilk dəfə milli komandanın oyunlarında iştirak edəcək. O, beynəlxalq karyerasını pandemiya səbəbi ilə bir il gecikmə ilə baş tutan AÇ-2020-dən sonra başa vursa da, bu ilin fevralında bərpa etmək qərarına gəlib. Toni 11 il (2010-2021) milli komandada çıxış edib. Bu müddətdə 106 matçda iştirak edib və 17 qol vurub. O, 2014-cü ildə dünya çempionu olub.

Əlavə edək ki, Almaniya yığması martın 23-də Fransa, martın 26-da isə Niderlandla qarşılaşacaq.