Antuan Qrizmann Aleksis Sançesdən üzr istəyib.

“Football-plus.az” xəbər verir ki, “Atletiko”nun hücumçusu Çempionlar Liqasının 1/8 finalının “İnter” ilə cavab oyunundan sonra belə hərəkətə əl atıb. Qrizmann matçın penalti seriyası zamanı Yan Oblak Sançesin zərbəsini dəf edəndən sonra rəqib oyunçu haqda təhqiramiz ifadə işlədib. Amma bu davranşına görə peşman olub. Odu ki, matçdan sonra Aleksisdən üzr istəyib. Çilili futbolçu üzrhaqlığı qəbul edib.

Xatırladaq ki, “Atletiko” əsas və əlavə vaxtı 2:1 hesabı ilə sona çatan matçdan sonra penalti seriyasında qalib gələrək (3:2) 1/4 finala çıxıb.