Antuan Qrizmann haqında yayılan xəbərlər səngimir.

“Football-plus.az” xəbər verir ki, “Atletiko”nun hücumçusu Madrid klubunu tərk etmək fikrində deyil. Daha əvvəl “Əl-Nəssr”in fransalı futbolçunu transfer etmək imkanını nəzərdən keçirdiyi bildirilmişdi. Səudiyyə Ərəbistanı klubunun nümayəndələri artıq Londonda Qrizmannın agenti ilə görüşüb. Futbolçunun “Atletiko” ilə müqaviləsinin qüvvədən salınması üçün nəzərdə tutulan məbləğ 25 milyon avroya bərabərdi.

İnsayder Fabritsio Romanonun məlumatına görə, 32 yaşlı hücumçunun planları dəyişməyib. Antuan “Atletiko”nu sevir və bu klubdan ayrılmağı düşünmür.