Bildiyiniz kimi, aprelin 2-də AFFA-nın hesabat-seçki konfransı keçiriləcək.

Rövnəq Abdullayev növbəti seçkidə namizəd olmayacağını bildirdiyindən yeni prezidentin kimliyi hər kəsdə maraq doğurur. “Football-plus.az” xəbər verir ki, hər seçki ərəfəsində futbol ictimaiyyəti arasında AFFA-ya veteranlardan birinin rəhbərlik etməsinin nə dərəcədə məqsədəuyğun olmasıyla bağlı söhbətlər artır. Bəs veteranları özü ətrafında birləşdirən qurumda bu haqda nə düşünürlər? Veteranlar arasından kiminsə namizədliyi irəli sürüləcəkmi?

Futbol Veteranları İttifaqının sədri Oqtay Abdullayev durumu belə izah etdi:

“Hələ ki futbol veteranlarından kimsə namizədliyini irəli sürməyib. Futbol veteranlarından kimsə namizədliyini verən kimi deyirlər ki, bu kimdi, bizi pisləməyə başlayırlar... Asim Xudiyevlə Vaqif Sadıqovu pislədilər. Axı bu düzgün deyil. Mən istərdim ki, veteran futbolçu prezident olsun. Futbolda əziyyətləri var və futbolun incəliklərini bilirlər. Neçə ildi görünür ki, futbolda rəhbər işi alınmır. Bəlkə futbolçu gəlsə, yaxşı olar. Ona görə deyirəm ki, futbolçulardan istifadə etmək lazımdı”.

ƏSƏD SEYİDOV