"Football-plus.az" xəbər verir ki, Almaniya millisinin sabiq üzvü Robert Andriç matç barədə danışarkən, Leverkuzen təmsilçisinin baş məşqçisi Xabi Alonsonu və komandasını tənqid edib. O, ispaniyalı mütəxəssisin yanlış taktikadan istifadə etdiyini deyib:
"Qarabağ" düşündüyümüzdən daha güclü komandadı. Alonso qonaq olduğu meydana bu heyətlə çıxmamalıydı. Təbii ki, eyni anda üç turnirdə (Almaniya çempionatı və kuboku, Avropa Liqası - red.) mübarizə aparırsansa, rotasiyalar etməyə məcbursan. Lakin bunu Avroliqanın vacib oyunlarından birində etmək anlaşılan deyil. Yaxşı ki, o, səhvini anlayıb ikinci hissədə dəyişikliklər etdi. Yoxsa hesab ən yaxşı halda 0:3 olacaqdı. "Qarabağ"a gəlincə, onların mənəviyyatı çox yaxşıdı. Bunun sayəsində bacardığından daha çoxunu edə bilir. Meydan sahibləri ilk hissədə gücünün 120 fazini göstərdi. Nəticədə aqressiv ola bilmədik və axmaq əks-hücum cəhdlərinə şahid olduq. Alonso "Qarabağ"a daha ciddi yanaşmalıdı, yoxsa turu keçə bilməyəcəyik".
KƏNAN BAHADIR
