“Football-plus.az” xəbər verir ki, bu sözləri "Səbail"in baş məşqçisi Şahin Diniyev Premyer Liqanın 25-ci turunun "Qəbələ" ilə oyunundan sonra keçirilmiş mətbuat konfransında deyib.

- İkinci hissənin əvvəlində riskli dəyişillik etdiz. Həmin an nə düşündünüz?
- Düzgün analiz etdiniz. Gözümün önünə alıb riski etdim. Risk etməsəydim, çətin olacaqdı. Bu gün risk özünü doğrultdu. Bunun nəticəsində qollar gəldi.

- Artıq 2-ci pillədəsiz. Bu, təzyiq yartamır?
- İkinci yerə qalxmaq asandı. Burada qalmaq isə çox çətindi. Rəqiblərin hər biri yüksək səviyyədə olan komandalardı. Bu gün çempionatda rəqabət var. "Qarabağ"ın Avropada uğurlu çıxışında bunun da rolu var. Artıq "Qarabağ" çempionatda tək ayaqla oynayıb qələbə qazanmır.

- Rəqib qırmızı vərəqə almadan əvvəl nə düşünürdünüz? Həmin an heç-heçəyə razı idiz?
- Hər xal bizim üçün dəyərdilir. Amma mən inanırdım ki, qələbə qazanacağıq. Futbolçularımın potensialına bələdəm. Ümumən heç-heçə olsaydı, yenə sevinəcəkdim.

- Növbəti tur "Sumqayıt"la qarşılaşacaqsız. Bu matçdan gözləntiniz nədir?
- Bu mövsüm bircə "Sumqayət"dan xal ala bilməmişik. Bu gün onlar çox yaxşı futbol oynayır. Çətin olacaq. Həmin matçın qalibi demək olmaz ki, nəyisə həll edəcək. Qarşıda oyunlar çoxdu.

- "Qarabağ"ı udmağın resepti var?
- Var, niyə yoxdu ki? "Qarabağ"ı udmaq olar. Bir dəfə udmuşuq, bir dəfə heç-heçə etmişik. Bəli, "Qarabağ" çox yaxşı komandadı, Qurban Qurbanov ölkənin ən yaxşı məşqçisidir. Amma futbolda hər şey olur. İnam lazımdı.

- "Neftçi" - "Qarabağ" matçında kimə azarkeşlik edəcəksiz? Nəzərə alsaq ki, "Neftçi" əsas rəqiblərinizdəndi…
- Komandaya dedim ki, heç vaxt kiminsə uduzmağını istəməyin. Mənim üçün ən vacibi öz komandamın performansıdı. Kiminsə bədbəxtliyinin üzərində xoşbəxtlik qurmaq olmaz. Təcrübəm var. Kiminsə uduzmağını istəmişəm, amma sonra başıma elə iş gəlib ki.