"Qarabağ FK - 30 mövsüm səfərdə" sənədli filminin təqdimatı keçirilib.

"Football-plus.az" xəbər verir ki, tədbir Heydər Əliyev Mərkəzində baş tutub. "Qarabağ" Futbol Klubundan bəhs edən filmin təqdimat mərasimində Prezidentin köməkçisi Anar Ələkbərov, mədəniyyət naziri Adil Kərimli, gənclər və idman naziri Fərid Qayıbov, Bakı Media Mərkəzinin rəhbəri Arzu Əliyeva, ölkənin idman və mədəniyyət nümayəndələri iştirak ediblər.

Filmdə "Qarabağ" Futbol Klubun keçdiyi tarixi dövrdən bəhs olunub, komandanın SSRİ dövründəki uğurları izləyicilərin diqqətinə çatdırılıb. Həmçinin, filmdə xarici jurnalistlərin və futbolçuların "İmarət" stadionu, "Qarabağ" klubu ilə bağlı hazırladığı materiallar və fikirləri də yer alıb.

Qeyd edək ki, Mədəniyyət Nazirliyi, "Salnaməfilm" və "Azərbaycanfilm"in ortaq layihəsi olan film 4 hissədən ibarətdi.