Aprelin 26-da gənclər və idman naziri Fərid Qayıbov Azərbaycan triatlonçusu Rostislav Pevtsovu qəbul edib.

"Football-plus.az" saytının məlumatına görə, görüşdə Azərbaycan Triatlon Federasiyasının prezidenti Elçin Əliyev və yığma komandanın məşqçisi Sergey Yasenko da iştirak ediblər.

Fərid Qayıbov gənc triatlonçuların yetişməsində, onların motivasiya edilməsində təcrübəli idmançıların rolunun əhəmiyyətini vurğulayıb, həmçinin Rostislav Pevtsov və məşqçisi gələcək planları barədə nazirə məlumat veriblər.